خوجالی‌دا داها بیر کوتلوی مزارلیق آشکار ائدیلیب. بلکه ده بو، الاهی عدالتدیر کی، ۱۹۹۲-جی ایل فورالین ۲۶-دا تؤردیلمیش خوجالی سویقیریمینین نؤوبتی ایلدؤنومونده بو آدسیز و گناه‌سیز ملکی قوربانلارین قالیقلاری تاپیلدی.

Axar.az خبر وئریر کی، بو باره‌ده آذربایجان پرزیدنتینین کمکچی‌سی - پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو ایکس-ده یازیب.

حاجییئو قید ائدیب کی، اونلارین کیملیی د.ن.ت آنالیزی ایله معین ائدیله‌جک:

«ارمنیستانین حربی تجاوزو نتیجه‌سینده دؤرد مینه یاخین آذربایجانلی ایتکین دوشموش حساب اولونور. ارمنیستان کوتلوی شکلده قتله یئتیریله‌ن آذربایجان‌لیلارین دفن اولوندوغو بئله کوتلوی مزارلیقلارین یئری باره‌ده معلوماتی وئرمکدن امتنا ائدیر. بیر دولتین بین‌الخالق حقوقا ضد اولان هر بیر حرکتی بین‌الخالق حقوقا اویغون اولاراق همین دولتین بین‌الخالق مسئولیتینه اساس وئریر».

پرزیدنت کمکچی‌سی وورغولاییب کی، ارمنیستان خوجالی سویقیریمینا و آذربایجانا قارشی تؤردیلمیش دیگر قانون‌سوز حرکتلره گؤره دولت اولاراق مسئولیت داشییر:

«ارمنیستان رسپوبلیکاسی ۳۰ ایللیک حربی اشغالا و خصوصیله ده خوجالی سویقیریمینا گؤره آذربایجان خالقیندان و دولتیندن هله ده عذر ایسته‌مه‌ییب».