ارمنیستان خارجی ایشلر ناظیرلیینین سومقاییت حادثه‌لری ایله باغلی بیاناتیندا آذربایجانا قارشی ایر‌لی سوردویو ادعالار تمامیله اساسسیز اولماقلا یاناشی، تاریخی فاکتلارین تحریف ائدیلمه‌سی و ساختالاشدیریلماسیدیر.

Axar.az خبر وئریر کی، بو فکرلر آذربایجان خارجی ایشلر ناظیرلیینین مطبوعات کاتبی آیخان حاجی‌زادنین ارمنیستان خارجی یاشلر ناظیرلیی-نین سومقاییت حادثه‌لری ایله باغلی بیاناتینا دایر شرحینده عکسینی تاپیب.

او وورغولاییب کی، بو بیانات، ۱۹۸۰-جی ایللرین سونلاریندان باشلایاراق ائرمنیستانین آذربایجانا قارشی اساس‌سیز و غیر-قانونی اراضی ادعالارینی حیاتا کئچیرمک مقصدیله زوراکیلیق عمللرینی، ارمنیستان اراضی‌سینده یاشایان آذربایجانلی اهالینین کوتلوی قوولماسینی، آذربایجان خالقینا قارشی ترورو، ائتنیک زمینده تخریباتلاری و حربی گوجدن استفادنی اؤرت-باسدیر ائتمک جهدیدیر:

"ارمنیستان خارجی ایشلر ناظیرلیینه خاطیرلادیریق کی، سومقاییتدا ائتنیک زمینده تؤردیله‌ن اغتشاش اس.اس.ار.ای و ارمنیستان رهبرلیینین، ارمنی شووینیست ایدئولوقلارین و اکسترمیست تشکیلاتلارین اؤنجه‌دن دوشونولموش و پلانلاشدیریلمیش مقصدیؤنلو تخریباتلارینین ترکیب حصه‌سی ایدی.

همچینین قید ائدک کی، اس.اس.ار.ای باش پروکورورلوغو طرفیندن باش وئرمیش حادثه ایله باغلی جنایت ایشی آچیلدیغی، نتیجه‌ده اغتشاشلارین اجراچیلاری و البیر اولان شخصلر، همچینین عمومی سایی ۳۲ نفردن عبارت قربانلارین معین ائدیلدیی هر کسه معلوم‌دور. حادثه‌نین قربانلاری آراسیندا ۶ نفر آذربایجانلینین اولماسی بو اغتشاشلارین آذربایجانلی اهالی طرفیندن حیاتا کئچیریلمدیینی ثبوت ائدیر.

ارمنیستان خارجی ایشلر ناظیرلیی-نین دقتینه چاتدیریریق کی، حادثه‌لرین سببکاری، یوروشه باشچی‌لیق ائد‌ن، شخصاً ۶ نفری اؤلدورن و ارمنی ملتیندن اولان ۳ قادینا تجاوز ائد‌ن شخص ملیتجه ارمنی اولان ادوارد گریگوریان اولوب و اونون باره‌سینده سومقاییتدا یاشایان ارمنیلرین چوخسایلی شاهد ایفاده‌لری توپلانیب. محکمه‌نین قراری ایله ۱۲ ایل آزادلیقدان محروم ائدیله‌ن گریگوریان جزاسینی چکمک اوچون ارمنیستانا کؤچورولوب و داها سونرادان آزادلیغا بوراخیلیب.

۲۷-۲۹ فورال ۱۹۸۸-جی ایل تاریخ‌لی سومقاییت حادثه‌لری ایله علاقه‌دار محکمه پروسسینین نتیجه‌لری ایله باغلی تقصیرکار بیلینه‌ن ۹۲ نفر باره‌سینده حبس جزاسی وئریلیب، همچینین بیر نفر اؤلوم جزاسی آلیب.

مقایسه اوچون اونو دا قید ائتمک ایستردیک کی، ۱۹۸۰-جی ایللرین سونلاریندا ارمنیستان اس.اس.ار.ای-ده آذربایجان‌لیلارین تاریخ بویو سیخ یاشادیقلاری رایونلاردان ۳۰۰ مینه یاخین اهالینین زورلا قوولماسی زمانی ۲۰۰-دن چوخ آذربایجانلینین اؤلومونده تقصیرلی اولانلار باره‌سینده هئچ بیر تدبیر گؤرولمه‌ییب.

بونونلا یاناشی، آذربایجان اراضیلرینه قارشی حربی تجاوز زمانی ارمنیستانین خوجالی داخل اولماقلا بیر چوخ شهر و کندلرده تؤرتدیی چوخسایلی محاربه و انسانلیق علیه‌اینه جنایتلری تؤردنلردن هئچ کیمین بو گونه‌دک حقوقی مسئولیته جلب اولونمادیغی ارمنیستان خارجی ایشلر ناظیرلیینه معلوم‌دور.

ارمنیستان خارجی ایشلر ناظیرلیینه خاطیرلادیریق کی، آذربایجان رسپوبلیکاسی بین‌الخالق سویه‌ده تانینمیش سووئرن اراضی‌سینین بیر حصه‌سینده ارمنیستانین اون‌ایللیکلر بویو داوام ائد‌ن حربی اشغالینا سون قویوب، اراضی بوتؤولویو و سووئرنلیینی تامین ائدیب.

ارمنیستان طرفینین گویا ارمنیلره قارشی «ائتنیک تمیزلمه» سیاستی حیاتا کئچیریلدیی، تاریخی و دینی عابده‌لرین هدف آلیندیغی باره‌ده ادعالار سسله‌ندیرمک عوضینه، نه‌اینکی ایندیکی ارمنیستان اراضی‌سینده، ائلجه ده اشغال دؤورونده آذربایجانلیلار و آذربایجان ارثینه قارشی تؤرتدیی جنایت عمللرینه نظر یئتیرمه‌سی داها فایدالی اولاردی".