ارمنیستانین آذربایجانا قارشی ادعاسی چرچیوه‌سینده آپرلده بیرلشمیش ملتلر تشکیلاتی-نین بین‌الخالق محکمه‌سینده دینلمه‌لر کئچیریله‌جک.

Axar.az خبر وئریر کی، بو باره‌ده ارمنی مدیاسینا آچیقلاماسیندا ارمنیستانین بین‌الخالق محکمه‌لرده‌کی نماینده‌سی یگیشه کیراکوسیان دئییب.

او بیلدیریب کی، ارمنیستاندان اول آذربایجانین ادعاسینا باخیلاجاق. هر ایکی مذاکره آپرلین ۱۵-دن ۲۶-دک کئچیریله‌جک.

اونون سؤزلرینه گؤره، ارمنیستان بیرلشمیش ملتلر تشکیلاتی محکمه‌سینه آذربایجانین «کوتلوی پوزونتولارینا دایر» یئنی ثبوتلار تقدیم ائدیب.

او قید ائدیب کی، ارمنیستانین آذربایجانا قارشی ۴ ادعاسینا باخیلیر.

«۱) ۴۴ گونلوک محاربه و دؤیوشلر زمانی تؤردیلن قانون پوزونتولاری؛ ۲) آذربایجاندا ارمنیلره قارشی کئچیریله‌ن قانونسوز محکمه‌لر؛ ۳) آذربایجان سلاح‌لی قوه‌لرینین ارمنیستانین سووئرن اراضی‌سینده قانون‌سوز مؤوجودلوغو؛ ۴) قاراباغ‌دا ۲۰۲۲-جی ایلین مارتیندان باش وئرن حادثه‌لر: بونلارا گازین وئریلمه‌سینین دایاندیریلماسی، فروخ کندی یاخینلیغیندا گئدن دؤیوشلر، لاچین دهلیزینین باغلانماسی و ۲۰۲۳-جو ایلین سنتیابریندا داغلیق قاراباغ ارمنیلرینین «مجبوری» کؤچورولمه‌سینه سبب اولان فاجعه‌وی حادثه‌لر داخلدیر».