آذربایجان خارجی ایشلر ناظیری جیحون بایراموو آلمانیایا ایشگوزار سفری چرچیوهسینده آلمانیا خارجی ایشلر ناظیری آنالنا بربوک ایله گؤروشوب.
Axar.az خبر وئریر کی، بو بارهده آذربایجان خارجی ایشلر ناظیرلییندن بیلدیریلیب.
قید اولونوب کی، گؤروش زمانی ایکی اؤلکه آراسیندا موجود امکداشلیق گوندلیی، ائلجه ده آذربایجان و ارمنیستان آراسیندا نرماللاشما و صلح پروسسینین حاضرکی وضعیتی و پرسپکتیولری مذاکره اولونوب.
آلمانیانین خارجی ایشلر ناظیری آنالنا بربوک ایکی اؤلکه آراسیندا مناسبتلرین اهمیتینی قید ائدیب. اؤلکهمیزین بیرلشمیش ملتلر تشکیلاتی-نین اقلیم دییشیکلیی اوزره چرچیوه کنونسییاسینین طرفلر کنفرانسینین ۲۹-جو سسییاسینا (کوپ۲۹) ائو صاحبلیی ائتمهسی مناسبتیله تبریکلرینی چاتدیریب.
ناظیر جیحون بایراموو آذربایجان و آلمانیا آراسیندا سون دؤورلرده دینامیک کاراکتر داشیماسی ایله سئچیلهن تماسلارین ممنونلوق دوغوردوغونو، خصوصیله مونحن تهلوکهسیزلیک کنفرانسی چرچیوهسینده عالی سویهده آپاریلان مذاکرهلرین اهمیتینی وورغولاییب.
آلمانیانین آذربایجان و ارمنیستان آراسیندا مناسبتلرین نرماللاشماسی استقامتینده دانیشیقلارین تشکیلینده گؤستردیی دستهیه و تشببوسه گؤره تشکور بیلدیریلیب.
ناظیر جیحون بایراموو اؤلکهمیزین نرماللاشما و صلح گوندلیینین ایرلیلدیلمهسینده قرارلی اولدوغو بیلدیریلیب. بونا باخمایاراق، ۵ آیا یاخین سورن ثابتلیین ارمنیستان طرفیندن پوزولماسینین صلح پروسسینه ضربه وورماق مقصدی داشیدیغینی دقته چاتدیریب.
بونونلا یاناشی، ارمنیستانین کونستیتوسییاسیندا و قانونوئریجیلیینده، سیاسی و حقوقی پروسسلرده اؤلکهمیزه قارشی ایرلی سورولهن اراضی ادعالارینی، غیر-کونستروکتیو مؤقع و ریتوریکاسینی داوام ائتدیرمهسینین قبولائدیلمز اولدوغو وورغولانیب.
گؤروش زمانی، همچینین قارشیلیقلی ماراق دوغوران دیگر مسئلهلر اطرافیندا فکر مبادلهسی آپاریلیب.