پرزیدنت ایلهام علیئو ۱۲-جی آذربایجان-روسیا رگیونلارآراسی فورومونون اشتراکچیلارینا مراجعت عنوانلاییب.

Axar.az خبر وئریر کی، مراجعتده دئییلیر:

"ایلک نوبه‌ده، سیزی ۱۲-جی آذربایجان-روسیا رگیونلارآراسی فورومونون آچیلیشی مناسبتیله تبریک ائتمک ایستردیم. آرتیق یاخشی عنعنه‌یه چئوریلمیش بو تدبیرین کئچیریلمه‌سی آذربایجان رسپوبلیکاسی ایله روسیا فدراسیاسی آراسیندا ایکی‌طرفلی مناسبتلرین انکشافینا مهم تحفه وئریر.

بو فرماتدا رگیونلارآراسی فوروملار آرتیق اؤز ثمرلیلیینی ثبوتا یئتیریب. حاکمیت نماینده‌لرینین، ایشگوزار و اکسپرت دایره‌لرینین فوروم چرچیوه‌سینده گؤروشلری کئچیریلیر، کنستروکتیو و آچیق دیالوگ آپاریلیر. بو، علاقه‌لر قورماغا، گله‌جک بیرگه فعالیت نامینه سعیلریمیزی اعیانی صورتده کوردیناسییا ائتمه‌یه، امکداشلیغین گئنیشلندیریلمه‌سی پرسپکتیولرینی مذاکره ائتمه‌یه امکان وئریر. فوروم، آذربایجان رسپوبلیکاسینین رگیونلاری ایله روسیا فدراسیاسینین سوبیکتلری آراسیندا بیرباشا قارشی‌لیقلی فایدالی علاقه‌لرین یارادیلماسی اوچون طلبات دویولان پلاتفورمادیر.

ممنونیتله قید ائتمک ایستردیم کی، قارشی‌لیقلی حرمت و اعتماد پرینسیپلرینه اساسلانان طرفداشلیغیمیز چوخ‌شاخه‌لیدیر و دئمک اولار کی، بوتون ساحه‌لری احاطه ائدیر. بو گون اؤلکه‌لریمیز آراسیندا اقتصادی-تجاری امکداشلیق دینامیک شکلده انکشاف ائدیر، تجارت دوریه‌سی آرتیر، یئنی استقامتلر اوزره ایشلر داوام ائتدیریلیر. فوروم چرچیوه‌سینده نقلیات-لوگیستیکا، صنایع، کند تصرفاتی و اکولوژی ساحه‌لرده قارشی‌لیقلی فعالیتین مذاکره‌سی ایکی اؤلکه‌نین رگیونلارآراسی سویه‌ده علاقه‌لری داها دا درینلشدیرمک ایستیینی اعیانی شکلده نمایش ائتدیریر.

علامتدار حالدیر کی، بوگونکو فوروم آذربایجان رسپوبلیکاسی ایله روسیا فدراسییاسی آراسیندا متفقلیک قارشی‌لیقلی فعالیتی حاقیندا بیاننامه‌نین امضالانماسینین ایکینجی ایلدؤنومونده کئچیریلیر. ایکی ایل بوندان اول - ۲۰۲۲-جی ایلین فورالیندا خالقلاریمیز آراسیندا تاریخی دوستلوق و مهریبان قونشولوق عنعنه‌لرینه، درین مدنی و هومانیتار علاقه‌لره اساسلاناراق، دولتلرآراسی مناسبتلریمیزی کیفیتجه یئنی، متفقلیک سویه‌سینه قالدیران بو مهم سند امضالانیب.

امینم کی، بو فوروم اولکیلر کیمی، یارادیجی آتموسفرده کئچیریله‌جک، عمومی یاناشمالارین ایشلنیب حاضرلانماسی اوچون علامتدار حادثه اولاجاق و دوست اؤلکه‌لریمیزین رفاهی نامینه نظرده توتولان بوتون مقصدلره نائل اولماغا کمک ائد‌جک.

فورومون بوتون اشتراکچیلارینا اوغورلو و ثمره‌لی ایش آرزولاییرام!"