تورکیه جمهورباشقانی رجب طیب اردوغان آنتالیا دیپلماتییا فورومو-۲۰۲۴-اون آچیلیش مراسمینده چیخیشی زمانی «تورکیه ارمنیستانلا مناسبتلرین نرماللاشدیرما پروسسینی آذربایجانلا کوردیناسیالی شکلده داوام ائتدیرجک» دئمکله ایروانا مساژ گؤندرمیش اولدو. یعنی ارمنیستان تورکیه ایله مناسبتلرین نرماللاشدیریلماسینی و سرحدلرین آچیلماسینی ایستییرسه، ایلک نؤوبه‌ده آذربایجانلا راضیلاشما الده ائتمه‌لیدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، بو، ایروانین تورکیه و آذربایجان موضوع‌لارینی بیر-بیریندن آییرما سیاستینین نتیجه وئرمدیینی بیر داها تصدیقلییر:

«اصلینده آنکارانین بو سیاستی ارمنیستانین باش ناظیری نیکول پاشینیانین مانور امکانلارینی آرتیرمالیدیر. او، ارمنی جمعیتینی ایناندیرمالی‌دیر کی، ایکی قونشوسویلا پروبلملرین حلی و اؤلکه‌سینین رگیونال امکداشلیغا قوشولماسی آذربایجانلا صلح و یا چرچیوه سازشینین امضالانماسیندان کئچیر.

آنتالیا فوروموندا چیخیش ائد‌ن پرزیدنتین کمکچی‌سی حکمت حاجییئوین ده ارمنیستانا مساژی وار ایدی کی، آذربایجانین ارمنیستانا هجوم ائتمک پلانی یوخ‌دور، بونو یایانلار بؤلگه‌ده صلح ایستمه‌یه‌ن مرکزلردیر. تورکیه‌نین خارجی ایشلر ناظری هاکان فیدان فوروم‌دا چیخیش ائدرکه‌ن، آذربایجانلا ارمنیستانین مناسبتلرینی نرماللاشدیرماغا چوخ یاخین اولدوغونو بیلدیریب. توپ یئنه ارمنیستانین میدانیندادیر».