زنگزور دهلیزی ارمنیستانلا آذربایجان آراسیندا اعتمادین محکملندیریلمه‌سی و صلحون قورولماسی اوچون مهم واسطه اولا بیلر.

Axar.az خبر وئریر کی، بونو ۳-جو آنتالیا دیپلماتییا فورومو چرچیوه‌سینده کئچیریله‌ن پانل مذاکره‌سی زمانی آذربایجان پرزیدنتینین خصوصی تاپشیریقلار اوزره نماینده‌سی، سفیر ائلچین امیربیوو دئییب.

«آوراسیادا امکداشلیغین یئنی دینامیکاسی» سسییاسیندا چیخیش ائد‌ن امیربیوو بیلدیریب کی، پست-مناقشه شرایطینده اؤلکه‌لر آراسیندا نقلیات علاقه‌لرینین برپاسی صرف اقتصادی ثمره ایله یاناشی، هم ده مهم اعتماد قوروجولوغو رولونو اوینایا و صلح یاراتماق اوچون افکتیو آلت اولا بیلر:

«بونون بارز نمونه‌سی زنگزور دهلیزی لایحه‌سی‌دیر کی، بو، هم ارمنیستانلا آذربایجان آراسیندا بیرباشا نقلیات علاقه‌لری یارادا، هم ده ارمنیستانین رگیوندا اقتصادی تجریدینه سون قویا بیلر. همچنین بو لایحه‌نین حیاتا کئچیریلمه‌سی بؤلگه‌ده‌کی دیگر اؤلکه‌لرین، ایلک نوبه‌ده تورکیه، روسیا و ایرانین ماراقلارینا تام جواب وئریر و فایدا گتیرجک. بوندان علاوه، زنگزور دهلیزی آرتیق موجود اولان اورتا دهلیزه (ترانس‌خزر بین‌الخالق نقلیات مارشروتو) آلترناتیو مارشروت اولا بیلر، چینی مرکزی آسیا و جنوبی قفقاز واسطه‌سیله آذربایجان و گورجوستان اراضی‌سی ایله آوروپا ایله بیرلشدیره بیلر.

امید ائدیریک کی، اوچ ایلدن آرتیقدیر کی، عهده‌لیکلرینی یئرینه یئتیرمکدن یایینان و فاکتیکی اولاراق زنگزور واسطه‌سیله نقلیات علاقه‌لرینین برپاسینا مانع اولان ایروان نهایت، بو لایحه‌نین ارمنیستان اوچون تام فایداسینی درک ائد‌جک. عکس حالدا، آرزو ائدیله‌ن «یول‌آیریجینین» رگیونال دالانا دیرنمه‌سی ریسکی وار».