جنوبی قفقازدا گئوسییاسی مباریزه‌نین کسکینلشدیی و ارمنیستانین آذربایجانا قارشی محاربه حاضیرلیغینین مشاهده ائدیلدیی دؤورده باکی و ایرواندا حربی رهبرلیین سفر مارشروتلاری دقت‌دن یایینمیر.

- آذربایجان مدافعه ناظری زاکیر حسنوو دونن تورکییه‌یه سفر ائتدی؛

- ارمنیستان مدافعه ناظری سورن پاپیکیان عینی گونده ایرانا گئتدی.

حربی متفیق اولان آذربایجان و تورکییه آراسیندا بو جور سفرلرین اینتنسیولییی و کووردیناسییالی فعالیت تعجبلو دئییل. لاکین بؤلگه‌ده باش وئرنلر حسنووون سفرینه فرقلی معنالار دا یوکلییر، خصوصیله ایکی اؤلکه اوردوسونون «ساعتلارینین یوخلانیلماسی»، باکی و آنکارانین ممکون تهلوکه‌لره قارشی بیرگه آددیملارینین حاضرلانماسی باخیمیندان.

ارمنیستانین سرعتله سیلاحلاندیریلماسی – فرانسا، یونانستان، هیندیستان، آردینجا ایران – ممکن تهلوکه‌نین ندن عبارت اولدوغونو آیدین گؤستریر. رسمی ایروان حربی سفرادا دیورسیفیکاسییا سیاستینی آپاردیغینی اعلان ائتسه ده، بوتون آددیملارین روسییایا قارشی جنوبی قفقازدا ارمنیستان اوزریندن ایکینجی جبهه‌نین آچیلماسینا حسابلاندیغی سرر دئییل. و بو سنارینی ارمنیستانین آذربایجانا هجومو، سرحدده اسکالاسییانین یارادیلماسی واسطه‌سیله حیاتا کئچیرمک ایستدیکلری ده بللی‌دیر. غرب ممکن اسکالاسییا ایله ارمنیستانین تهلوکه‌سیزلیک سفراسینا رسمی شکیلده داخیل اولماق حاقی قازانا بیلر، ایروان ایسه صولح گوندلیینی سیفیرلاماغی، باکی ایله دانیشیقلاردا مؤقعلرینی گوجلندیرمیی هدفلییر.

و ممکن اسکالاسییا سناری‌سینده ایرانین ارمنیستان اوچون رگیونال اهمیتی بؤیوکدور.

بیرینجی‌سی، ایروان غربین دستیی ایله تطبیق ائدجیی محاربه سناری‌سینده تورکییه و آذربایجانلا یاناشی، روسییا ایله ده اوز-اوزه گلجیینی بیلیر: ایرانین بو سناری‌ده عکس جبهه‌ده یئر آلماسی ارمنیستان اوچون چتین وضعیت یارادا بیلر؛

ایکینجی‌سی، ممکن اسکالاسییادا غرب نه قدر ارمنیستانا دستک وئرسه ده، رگیونال موستویده پروسسلره بیرباشا مداخیله‌سی ان آزی جغرافی باخیمدان چتیندیر: بونا گؤره ایروان تهرانین دستیینی آلماق، هم رگیونال بالانسی معین قدر ساخلاماق، هم ده حربی توققوشما زامانی عکس جبهه‌یه - آنکارا-باکی-مسکوا – قارشی رگیونال موستویده تکله‌نمک ایستمیر؛

پاپیکیانین تهرانا سفری ایرانلا حربی امکداشلیغی گئنیشلندیرمک، بو اؤلکه‌دن سلاح آلماق، همچینین، هیندیستان‌دان گلن سلاحلارین ترانزیتینی گئنیشلندیرمکله یاناشی، ممکن محاربه سناری‌سینه حاضرلیق مقصدی ده داشیییر.

رسمی باکینین حادثه‌لرین انکشافینی و پرسپکتیو ریسکلری دیرلندیردیی معلومدور. بو کونتکست‌ده پاپیکیانین ایرانا گئتدیی گون ذاکیر حسنووون تورکییه‌یه سفرینه ده ممکن محاربه سناری‌سینه حاضرلیق کیمی باخماق اولار.