رگیونوموزدا ۳ گوج مرکزی وار. بونلار روسیا، ایران و تورکیه‌دیر. قوه‌لردن بیرینین رولو ضعیفله‌یرسه، بوشلوغو باشقا گوج مرکزلری دولدوراجاق.

Axar.az خبر وئریر کی، بونو ارمنی پولیتولوگ سرگی ملکونیان دئییب.

او بیلدیریب کی، غرب فاکتیکی اولاراق تورکیه ایله ایشله‌مه‌یه اوستونلوک وئریر. چونکی رسمی آنکارا روسیا و ایرانی بالانسلاشدیرماغی باجاریر.

«اگر بیز روسیایا قارشی حرکت ائتسک، او زمان بورا غربی دئییل، ایلک نوبه‌ده تورکیه‌نی دعوت ائتمیش اولوروق. باخمایاراق کی، ارمنیستان اوچون اساس تهلوکه محض تورکیه‌دیر. اما غربده باکییا قارشی چیخماق اوچون سیاسی اراده یوخدور. چونکی آذربایجان و تورکیه‌نین ماراقلاری عینی‌دیر. دیگر طرفدن، داخلی پروبلملره رغما تورکیه غربین متفقی‌دیر. صحبت تکجه آوروپا اتفاقی ایله یوخ، هم ده آمریکایلا متفقلیکدن گئدیر»، – ارمنی پولیتولوگ بیلدیریب.

ملکونیان باش ناظیر نیکول پاشینیانین آوروپا اتفاقی-نین ارمنستانداکی مسیاسینین مانداتینی داها ۲ ایل اوزاتماسی حاقدا قرارینا دا توخونوب.

«کئچه‌ن آی ایرواندا صحبت زمانی بیر ایران رسمی‌سی ماراقلی فکر سسلندیردی. او بیلدیردی کی، ارمنیستاندا کیمسه بیر نئچه یوز آدامین آذربایجان اردوسونون قارشی‌سینا چیخاجاغینا اینانیرسا، بو، چوخ گولونجدور»، – ملکونیان وورغولاییب.