آذربایجان رسپوبلیکاسینین پرزیدنتی ایلهام علیئوین حمایه‌سی آلتیندا و نظامی گنجوی بین‌الخالق مرکزینین تشکیلاتچی‌لیغی ایله مارتین ۱۴-ده «پارچالانمیش دنیانین برپاسی» موضوع‌سوندا ۱۱-جی گلوبال باکی فورومونون ایلک گونو باشا چاتیب.

Axar.az خبر وئریر کی، نظامی گنجوی بین‌الخالق مرکزی گلوبال پروبلملرین حلی یوللارینی آراشدیران و بو باره‌ده دنیا اجتماعیتینی معلوماتلاندیران مهم بین‌الخالق پلاتفورمایا چئوریلیب. محض بونون نتیجه‌سی‌دیر کی، مرکزین تشکیل ائتدیی تدبیرلره ماراق ایلدن-ایله آرتماقدادیر.

بو دفعه «پارچالانمیش دنیانین برپاسی» موضوع‌سونا حصر اولونان ۱۱-جی گلوبال باکی فورومونا بیر چوخ اؤلکه‌لرین، ائلجه ده نفوذلو بین‌الخالق تشکیلاتلارین نماینده‌لری قاتیلیبلار. فوروم‌دا ۷۰-دن آرتیق او̈لکدن ۳۵۰-دن چوخ قوناق اشتراک ائدیر.

مارتین ۱۶-دک داوام ائد‌جک فوروم‌دا کوپ۲۸-این نتیجه‌لری و کوپ۲۹-آ حاضرلیق مقصدیله گلوبال مذاکره‌لر آپاریلاجاق، یئنی دنیا نظامینا تهدید یارادان عامللره، او جمله‌دن تهلوکه‌سیزلیک مسئله‌سینه و صلحون تامین اولونماسی اوچون پرسپکتیولره، بؤلونموش دنیادا دایانیقلیلیغین قورولماسینا، اونون گلوبال صلحه تأثیرینه نظر سالیناجاق، قارشی‌دا دوران چاغیریشلارین حلی یوللاری مذاکره اولوناجاق، دنیانی سارسی‌دان مناقشه‌لره، مگاتهدیدلره، او جمله‌دن اقلیم، قیدا و نووه تهلوکه‌سیزلیی پروبلملرینه توخونولاجاق.

عینی زمان‌دا، گلوبال اداره‌ائتمه‌ده حربی و اقتصادی اتفاقلارین رولو، رگیونال پرسپکتیولر، آوروپا اتفاقی و اونون قونشولاری ایله مناسبتلری، گنجلر سیاستی، گلوبال چاغیریشلارا قارشی داواملی‌لیغی آرتیرماغین یوللاری، غیر برابرلیک، طبیعی احتیاطلارین آزلیغی و میگراسییا مسئله‌لرینه توخونولاجاق، صونعی اینتلکت، درونلار و کیبرسلاحلار دؤورونده یئنی تهلوکه‌سیزلیک نمونه‌لری باره‌ده مذاکره‌لر آپاریلاجاق.