«پارچالانمیش دنیانین برپاسی» موضوع‌سوندا کئچیریله‌ن ۱۱-جی گلوبال باکی فورومونون ایکینجی گونو باشا چاتیب.

Axar.az خبر وئریر کی، مارتین ۱۶-دک داوام ائد‌جک فوروم آذربایجان پرزیدنتی ایلهام علیئوین حمایه‌سی آلتیندا نظامی گنجوی بین‌الخالق مرکزینین تشکیلاتچی‌لیغی ایله کئچیریلیر.

کنفرانسین ایکینجی گونونده «خوش سؤزلردن عمللره: کوپ۲۹ قارشی‌سیندا هانسی مقصدلر قویولمالی‌دیر؟»، «اقلیم عدالتی»، «هامی اوچون ساغلاملیق»، ائلجه ده «رگیونال حربی و اقتصادی اتفاقلارین رولو» موضوع‌لاریندا پانل مذاکره‌لری تشکیل اولونوب.

بوندان علاوه، بو گون بیرلشمیش ملتلر تشکسلاتی باش آسامبلیاسینین ۷۸-جی سسییاسینین صدری دنیس فرنسیس، ائلجه ده تورکیه‌نین خارجی ایشلر ناظیری هاکان فیدان ۱۱-جی گلوبال باکی فورومونون اشتراک‌چیلارینا خصوصی مراجعتله چیخیش ائدیبلر.

تورکیه خارجی ایشلر ناظیرلیی باشچی‌سینین چیخیشیندان سونرا سوال-جواب سسییاسی کئچیریلیب.

۱۱-جی گلوبال باکی فوروموندا بیر چوخ اؤلکه‌لرین، ائلجه ده نفوذلو بین‌الخالق تشکیلاتلارین نماینده‌لری - عمومی‌لیکده ۷۰-دن چوخ اؤلکه‌دن ۳۵۰-دن چوخ قوناق اشتراک ائدیر.