ارمنیستان ناظیرلر کابینتی آذربایجانین آنکلاو اولمایان ۴ کندینی (قازاخین باغانیس آیریم، قیزیل حاجیلی، آشاغی اسکی‌پارا و خیریم‌لی کندلری) طلب ائتمه‌سی ایله باغلی یئرلی مدیانین سورغوسونو جوابلاندیریب.

Axar.az خبر وئریر کی، ارمنیستان باش ناظیرلیی گؤروشلردن سونرا ایکی اؤلکه طرفیندن تصدیق ائدیلمیش ایش پروسدورونا اویغون اولاراق، رسمی پرس-رلیزلردن کناردا دقیقلشدیرمه‌لره و شرحلره اجازه وئریلمدیینی دقته چاتدیریب.

قید ائدیلیب کی، سون گؤروشده بو مسئله ایله باغلی باشقا راضی‌لیق الده اولونماییب:

«ارمنیستان اوچون مقبول یاناشما قانونی قوه‌یه مالک حقوقی سندلر اساسیندا بو اراضیلرین دلیمیتاسییاسی و دمارکاسیاسینا یاناشمادان چیخیش ائد‌رک، سونرادان اکسکلاولار/آنکلاولار مسئله‌سینه باخیلماسیدیر».