ارمنستانین مینا خریطه‌لرینی وئرمکدن امتناع ائتمه‌سی وطنداشلاریمیزین حیاتینا تهدید تؤره‌دیر.

خارجی ایشلر ناظیرلیین‌دن Axar.az-آ وئریلن معلوماتا گؤره، بو باره‌ده آذربایجانین خارجی ایشلر ناظری جیهون بایراموو ۱۱-جی گلوبال باکی فوروموندا اشتراک مقصدیله اؤلکه‌میزده سفرده اولان ب.م.ت انکشاف پروگرامی‌نین آدمینیستراتورو آخیم ایشتاینر ایله گؤروشونده بیلدیریب.

قید اولونوب کی، گؤروشده ب.م.ت انکشاف پروگرامی چرچیوه‌سینده امکداشلیق گونده‌لیگی، موجود پئرسپئکتیولر، ب.م.ت-نین اقلیم دییشیک‌لیگی اوزره چرچیوه کونوئنسییاسی‌نین طرفلر کنفرانسی‌نین ۲۹-جو سئسسییاسیندان (کوپ۲۹) ایر‌لی گلن مسئله‌لر، هابئله پست مناقشه دورونده رئگیونال وضعیت مذاکیره اولونوب.

ناظر جیهون بایراموو ب.م.ت انکشاف پروگرامی ایله آذربایجان آراسیندا اوزون مدتلی امکداشلیغین مثبت نتیجه‌لریندن بحث ائد‌رک، موجود طرفداشلیغین داوام ائتدیریلمه‌سینین اهمیتینی قید ائدیب.

کوپ۲۹ ایله باغلی حاضرلیق ایشلریندن بحث ائد‌ن ناظر جیهون بایراموو اؤلکه‌میزین کوپ۲۹ صدرلیینین موفقیتله حیاتا کئچیریلمه‌سی استقامتینده مختلف طرفلرله سوبستانتیو دانیشیقلار پروسسینی آپاردیغی، عینی زاماندا ضروری تشکیلاتی تدبیرلرین گؤرولدویونو دقته چاتدیریب.

پست مناقیشه دورونده اؤلکه‌میز طرفیندن گؤرولن برپا-قوروجولوق، هابئله صلح سعی‌لریندن بحث ائد‌ن ناظر جیهون بایراموو، ارمنستان طرفیندن اراضیلریمیزین کوتلوی شکیلده مینالانماسی‌نین، همچینین بو اؤلکه‌نین مینالانمیش اراضیلر باره‌ده معلوماتلاری تقدیم ائتمکدن امتناع ائتمه‌سی‌نین وطنداشلاریمیزین حیات و ساغلاملیغینا، هابئله آپاریلان برپا ایشلرینه تهدید تؤرتدیینی دقته چاتدیریب. مینالارین تمیزله‌نمه‌سی ایشینده بین‌الخالق سعی‌لرین سفربر اولونماسینین ضروری‌لیگی وورغولانیب.

آخیم ایشتاینئر آذربایجانین انکشاف ساحه‌سینده الده ائتدیی نائلیتلرین نمونه‌وی اولدوغونو قید ائدیب. ب.م.ت انکشاف پروگرامی طرفیندن مینا تهلکه‌سینه قارشی مبارزه‌یه، او جمله‌دن بو استقامتده تشبوثلرین مذاکیره‌سینه اهمیت وئریلدیی بیلدیریلیب.

داها چوخ کاربوهیدروگئن رئسورسلاری ایله زنگین اؤلکه کیمی تانینان آذربایجان طرفیندن کوپ۲۹ -اون صدری قسمینده نمایش اولونان موقع و یاناشمانین تقدیره‌لاییق اولدوغو بیلدیریلیب، بو استقامتده اوغورلو صدرلیک فعالیتی آرزو ائدیلیب.

گؤروش زامانی همچینین قارشی‌لیقلی ماراق دوغوران دیگر مسئله‌لر مذاکیره اولونوب.