آذربایجان چوخ یاخشی تعلیم کئچمیش و تجهیز اولونموش حربی قوه‌لره مالکدیر. اونلار اوزون ایللر افغانیستاندا هوا لیمانینین مدافعه‌سینده بؤیوک رول اویناییبلار. آذربایجان حرب‌چیلری اوزون ایللردیر مختلف تاپشیریقلارین عهده‌سیندن باجاریقلا گلیرلر. لاکن اونلار ۲۰۲۱-جی ایلده - میسیانین سون گونلرینده هوا لیمانینین قورونماسی، یوز مینلرله انسانین کابل و افغانیستاندان تخلیه ائدیلمه‌سی ساحه‌سینده واجب رول اویناییبلار.

Axar.az خبر وئریر کی، بو سؤزلری ناتو-نون باش کاتبی ینس استولتنبرگ بیلدیریب.

«هوا لیمانیندا همچنین ناتو-یا مخصوص خسته‌خانا فعالیت گؤستریب. بو خسته‌خانادا هوا لیمانینداکی انسانلارا دا طبی یاردیمین گؤستریلمه‌سی تامین اولونوردو. بئله‌لیکله، بیرلیکده گؤردویوموز سون ایش تورکیه حرب‌چیلری ایله یاناشی هوا لیمانینین و خسته‌خانانین قورونماسی اولوب. عمومی دئسک، بوتون بونلار ناتو اوچون سون درجه واجبدیر. منیم ناتو-نون منزل قرارگاهیندا فعالیت گؤسترن امکداشلاریمدان بیری کابلده هوا لیمانیندان انسانلارین تخلیه‌سینی تشکیل ائدیردی. او یارالانمیشدی. اونون حیاتینی آذربایجانلی حرب‌چیلر خلاص ائتدیلر، ایلک طبی یاردیم گؤستررک خسته‌خانایا چاتدیردیلار. بیز اونلارا بو ایللر عرضینده، خصوصیله میسیانین سون هفته‌لرینده گؤردوکلری ایشلره گؤره منتداریق»، - دئیه استولتنبرگ بیلدیریب.