آذربایجان و ارمنستانین پارلامنت صدرلری صاحبه قافارووا ایله آلئن سیمونیانین ژنوده گؤروشمه‌سی سون آیلاردا ایکی اؤلکه آراسینداکی دانیشیقلاردا آرتان مثبت دینامیکانین ترکیب حیصه‌سی‌دیر. بو گؤروشون ایدئیا مؤلفلری دوغرو قرار وئریبلر.

Axar.az خبر وئریر کی، بو سؤزلری پولیتولوگ ائلخان شاهین‌اوغلو قید ائدیب.

او بیلدیریب کی، ایکی اؤلکه‌نین لیدری، خارجی ایشلر ناظرلری، باش ناظیرلرین معاوینلری گؤروشوب، مختلف مؤضوعلاری مذاکیره ائدیرلرسه، پارلامنت صدرلرینین ده صلح دانیشیقلارینا قوشولماسی اهمیتلی‌دیر:

«چونکی صلح و یا چرچیوه سازیشی ایمضالاناقجسا، همین سند پارلامنتلرده مذاکیره اولونوب راتیفیکاسییا ائدیله‌جک. باش ناظر نیکول پاشینیان و اونون کومانداسی رسمی باکی ایله ایلکین راضیلیغا گلمه‌یی سرعتلندیرمک ایسته‌ییرسه، بو، آذربایجان اوچون ده فایدالی‌دیر.

بو آرادا، تورکییه‌نین ارمنستانلا مناسبتلر اوزره خصوصی نماینده‌سی سردار کیلیچین ایروانا سفری خبرینین تصدیق اولونماسی دا عمومی ایشین خیرینه‌دیر. سردار کیلیچ ایروان‌دا گؤروش تکلیفینی آنتالیا دیپلوماتییا فورومون‌دا تورکییه ایله دانیشیقلاردا ارمنستانی تمثیل ائد‌ن روبئن روبینیانا بیلدیرمیشدی. روبئن روبئنیان جاواب اوچون واخت ایسته‌میشدی. نیکول پاشینیان گؤروشون ایرواندا کئچیریلمه‌سینه مثبت یاناشیب.

بئله‌لیکله، ایروان هم باکی، هم ده آنکارا ایله دانیشیقلاری اینتئنسیوله‌شدیریب. بو دوغرو قراردیر. باشقا دؤولتلرین امرلرینی یئرینه یئتیرمک اوزینه مسئله‌لری یئرینده مذاکیره ائدیب، حل ائتمه‌یه چالیشماق ایروان اوچون ان مناسب یولدور. آذربایجان و تورکییه جنوبی قافقازدا صلحون و رئگیونال امکداشلیغین باشلانماسینی صبیرسیزلیکله گؤزله‌ین ایکی اؤلکه‌دیر. آنکارا ارمنستان سیاستینی باکی ایله کووردیناسییا ائدیر. بؤیوک احتیماللا باکی دا ارمنستان سیاستینی و گؤروشلرین ماهیتینی متفیقی آنکارا ایله کووردیناسییا ائدیر. بو معنادا باکی-آنکارا اتفاقی‌نین آنتی‌آذربایجان، آنتی‌تورک مرکزلرین جنوبی قافقازلا باغلی پلانلارینی پوزماسی اهمیتلی‌دیر. اساس هدفلردن بیری صلح و یا چرچیوه سازیشی واسطه‌سیله ارمنستانی آذربایجان و تورکییه‌نین ماراقلارینا ضد سیاست‌دن اوزاقلاشدیرماقدیر. آنکارا و باکی بؤلگه‌نی قاریشدیرماق ایسته‌ین گوجلردن بیر آددیم اؤنده اولمالی و ایروانی دانیشیقلار پروسئی‌نین ایچینده توتمالی‌دیر».