سولوویوو «کروکوس سیتی هال»داکی ترور آکتیندا «آذربایجانلی ایزی» آختارماغا باشلاییب. اونون آذربایجانا مناسبتی و هر فرصتدن استفاده ائتدیی بللی‌دیر، لاکن ایندیکی مقام‌دا بئله ادعالار ایر‌لی سورمه‌سی «ایز آزدیرماغا» داها چوخ بنزییر.

ترور هجوموندان ارمنیلرین اشتراکی حاقدا فکرلر سسلندیریلیر، حتی ترورچولارین ارمنی دیلینده سؤیوش سؤیدویو ایله باغلی معلوماتلار یاییلیب. استثنا دئییل کی، ارمنی شبکه‌سی بو اینفورماسییالاری آرخا پلانا کئچیرمک و دقتی ارمنیلردن یاییندیرماق مقصدیله سولوویوودان «آذربایجانلیلارین هدف گؤستریلمه‌سینی» ایسته‌ییب. بو، هم ده ارمنی شبکه‌سینین باکی-مسکوا خطینده چاتلارین یارانماسی مقصدیله بوتون فرصتلردن استفاده ائتمه‌سی پلانینین داوام ائتدیریلمه‌سیدیر.

بو جور ادعالار، «ایز» آختاریشینی سیاسی مقصدلره یؤنلتمک روسیانین اؤزونون ده علیه‌اینه‌دیر، چونکی هم اجتماعی رای اوزرینده مانیپولیاسییالار ائدیلیر، هم ده استنطاقین گئدیشینه تأثیر ائده بیلر. بو باخیم‌دان رسمی مسکوا مسئله‌یه مداخله ائتمه‌لیدیر.

گؤرونور، سولوویوون آذربایجاندان نوبتی دفعه عذر ایستمه‌سینین واختی یئتیشیب. او، سونونجو دفعه حاضردا باکی‌دا حبسده اولان سپاراتچی داوید بابایانی ائفیره چیخاردیغی اوچون آذربایجاندان عذر ایسته‌میشدی.