آنا صحیفه سیاست |
دقتینیزه چاتدیرماق ایستردیم کی، بیز «زنگزور دهلیزی» ایفادهسینی ایشلتمیریک.
Axar.az خبر وئریر کی، بو سؤزلری روسیا خارجی ایشلر ناظیرلیینین رسمی نمایندهسی ماریا زاخارووا مارتین ۲۷-ده کئچیردیی بریفینگده دئییب.
«صحبت آذربایجانین غرب رایونلارینی ارمنیستانین سونیک (زنگزور) رایونو اراضیسیندن کئچمکله ناخچیوانلا بیرلشدیرن مارشروتدان گئدیر. کمپرومیسلری انکشاف ائتدیرمک اوچون یاخشی قورولموش مخانیزم وار. بو، روسیا، آذربایجان و ارمنیستان باش ناظیرلرینین معاونلریندن عبارت اوچطرفلی ایشچی گروپودور. ۲۰۲۳-جو ایل ایونون ۲-ده کئچیریلهن سون اجلاسیندا طرفلر رگیوندا نقلیات و اقتصادی یوللارین بلوکادادان چیخاریلماسی اوچون هرطرفلی، قارشیلیقلی فایدالی قرار قبول ائتمهیه یاخین ایدیلر. بیز طرفداشلاریمیزی سیاسی اراده نمایش ائتدیرمهیه و اوچطرفلی ایشچی گروپ دا داخل اولماقلا یارادیلمیش اوچطرفلی فرماتلار آراسیندا قارشیلیقلی فعالیتی برپا ائتمهیه چاغیریریق»، - او بیلدیریب.
تاریخ
2024.03.27 / 21:58
|
مولف
Axar.az
|