آپرلین ۳-ده آمریکا دولت کاتبی انتونی بلینکن آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده پرزیدنتین مطبوعات خدمتی معلومات یاییب.

انتونی بلینکن آپرلین ۵-ده آمریکا، آوروپا بیرلیی و ارمنیستان آراسیندا کئچیریله‌جک اوچ‌طرفلی گؤروشون آذربایجان طرفده ناراحاتلیق دوغوردوغونا دایر خبرلر آلدیغینی و بو خصوصدا پرزیدنت ایلهام علیئوله دانیشاراق مسئله‌یه آیدینلیق گتیریلمه‌سینی واجب حساب ائتدیینی دئییب.

دولت کاتبی سؤزوگئدن گؤروشون اساس ماهیتینی ارمنیستانین اقتصادی انکشافی مسئله‌لرینین تشکیل ائدجیینی دقته چاتدیریب.

پرزیدنت ایلهام علیئو قید ائدیب کی، اوندا اولان معلوماتا گؤره اوچ‌طرفلی گؤروشه حاضرلیق پروسسینده ارمنیستانا حربی دستک و بیرگه حربی تعلیملرین کئچیریلمه‌سی، آذربایجان ایله سرحدیانی اراضیلرده حربی اینفراستروکتورون یارادیلماسی، آوروپا بیرلیینین آوروپا صلح مخانیزمی خطی ایله و آمریکا بودجه‌سی حسابینا ارمنیستانین سلاحلاندیریلماسی کیمی مسئله‌لر ده مذاکره اولونوب. دولتیمیزین باشچی‌سی آنتی-آذربایجان ماهیتی داشییان بو کیمی آددیملارین، او جمله‌دن فرانسا طرفیندن ده ارمنیستانین سلاحلاندیریلماسی سیاستینین رگیوندا سلاح یاریشینا رواج وئردیینی و تخریباتلارا گتیریب چیخاراجاغینی وورغولاییب.

تلفون دانیشیغی زمانی انتونی بلینکن ۵ آپرل گؤروشونون آذربایجانا قارشی اولمادیغینی وورغولاییب.

صحبت اسناسیندا ارمنیستان ایله آذربایجان آراسیندا صلح دانیشیقلارینا دایر مذاکره آپاریلیب. پرزیدنت ایلهام علیئو خارجی ایشلر ناظیرلرینین صلح مقاوله‌سینین متنی اوزره برلینده آپاردیقلاری دانیشیقلارین پروسسین ایرلیلدیلمه‌سی باخیم‌دان فایدالی اولدوغونو و دانیشیقلارین سرعتلندیریلمه‌سینه احتیاج اولدوغونو دئییب.

همچنین دولتیمیزین باشچی‌سی غربده آذربایجانین ارمنیستانا هجوم ائتمک نیتینده اولدوغو باره‌ده سسله‌ندیریله‌ن اتهاملارین تمامیله اساسسیز اولدوغونو وورغولاییب.

پرزیدنت ایلهام علیئو آپرلین ۲-ده پاریسده انتونی بلینکن ایله کئچیریلمیش مطبوعات کنفرانسیندا فرانسا خارجی ایشلر ناظیرینین یالان دانیشاراق، آذربایجانی ارمنیستانین اراضی بوتؤولویونو تانیماماقدا و ارمنیستانا قارشی تهلوکه منبع‌یی اولماقدا اتهام ائتدیینی بیلدیریب.

دولتیمیزین باشچی‌سی آذربایجانین ۲۰۲۲-جی ایلده پراگا گؤروشو زمانی قبول ائدیلمیش بیاناتا و آلماتی بیاناتینا صادق اولدوغونو وورغولاییب.

پرزیدنت ایلهام علیئوین قناعتینه گؤره آپرلین ۵-ده کئچیریلمه‌سی پلانلاشدیریلان آمریکا، آوروپا بیرلیی و ارمنیستان اوچ‌طرفلی گؤروشونون غیر-شفاف حاضرلانماسی، غیر-اینکلوزیو کاراکتر داشیماسی و آذربایجانین حاقلی ایرادلارینا باخمایاراق تاخیره سالینماماسی جنوبی قافقازدا صلحه، امکداشلیغا دئییل، آیریجی خطلرین و نتیجه اعتباریله، گرگینلیین یارانماسینا گتیریب چیخاراجاق.

صحبت زمانی آذربایجان و آمریکا آراسیندا ایکی‌طرفلی امکداشلیق مسئله‌لرینه ده توخونولوب. انتونی بلینکن بو ایلین فورالیندا مونهن تهلوکه‌سیزلیک کنفرانسی چرچیوه‌سینده پرزیدنت ایلهام علیئو ایله آپاردیغی مذاکره‌لری قید ائد‌رک، اؤلکه‌سینین مختلف ساحه‌لرده آذربایجان ایله امکداشلیغی گئنیشله‌ندیرمک نیتینده اولدوغونو وورغولاییب. او، همچنین کوپ۲۹ چرچیوه‌سینده ایکی اؤلکه‌نین نماینده هیئتلرینین تماسلارینی قید ائدیب.

پرزیدنت ایلهام علیئو مونهن تهلوکه‌سیزلیک کنفرانسی چرچیوه‌سینده کئچیریلمیش گؤروشده مذاکره اولونان استقامتلر اوزره آذربایجانین دا آمریکا ایله ایکی‌طرفلی علاقه‌لرینین انکشافیندا ماراقلی اولدوغونو، کوپ۲۹-اون اقلیم دییشیکلیی مسئله‌لری و یاشیل تخنولوگییالار ساحه‌سینده اؤلکه‌لریمیز آراسیندا امکداشلیق اوچون یاخشی امکانلار یاراتدیغینی بیلدیریب.