کیرانتس ایله بیتیشیک خیریملی کندی ده آذربایجان کندی‌دیر، بورادا همیشه آذربایجانلیلار یاشاییب. او اراضیلر (قازاخین اشغال آلتیندا اولان ۷ کندیندن آنکلاو اولمایان ۴ کندی نظرده توتور – رئد.) آذربایجان اراضیلریدیر، بونا هئچ بیر شبهه یوخ‌دور. طبیعی کی، ساکنلر بیر-بیرینه یاخین اولاجاقلار، بو گون ده اولکی مناسبتلر یوخ‌دور دئیه، بو دا انسانلاردا ناراحاتلیق یارادیر. ایجوانلی بیر ارمنی کیمی من ده بوندان ناراحاتام. ایندی بیز ایشلر گؤرملییک، یوللار چکملییک، سد اولمالی‌دیر، اما من بئله حساب ائدیرم کی، آذربایجانا آذربایجانلیلارین اولانی وئرملییک، بیزیم اولانی گؤتورملییک.

Axar.az خبر وئریر کی، بو سؤزلری ارمنی مدیاسینا آچیقلاماسیندا ملت وکیلی، تاووش گوبرناتورو هایک گالومیانین آتاسی وولودیا گالومیان دئییب.

او بیلدیریب کی، همین اراضییه گئدیب، انسانلاری سلاحلا سرحدی قوروماغا تحریک ائتمک تخریباتدیر:

«او کندلرده سلاحلا دؤیوشمک، سرحدی قوروماق ایسته‌یه‌نلر بیر نئچه دقیقه عرضینده یئر اوزوندن سیلینه‌جک. کند یوخ اولاجاق، انسانلار دا. هئچ کیم بو باره‌ده دوشونمک ایستمیر».

او، «بو حال‌دا آذربایجان‌لیلارلا بورون-بورونا یاشایاجاغیق، بو، نرمالدیرمی» سوالینا بئله جواب وئریب:

«اوللر بئله یاشامیشیق».

ملت وکیلی همچنین او کندلرین آذربایجانا قایتاریلاجاغی حالدا گورجوستانا گئدن یولون و گاز کمرلرینین ده آذربایجان اراضی‌سینه دوشجیی باره‌ده سوالی دا عینی قایدادا جوابلاندیریب: «اوللر ده بئله اولوب».

گالومیان دئییب کی، ارمنیستان هله دؤیوشمه‌یه و غالب گلمه‌یه حاضر دئییل:

«اونا گؤره ده بو گون محاربه‌دن قاچمالییق. اؤلکه‌میزی یالنیز صلح خلاص ائده بیلر. آذربایجان دا صلح ایستییر».