آوروپا شوراسینین باش کاتبی ماریا بوریچین باکییا گلمه‌سینی آلقیشلاییرام. آوروپا شوراسی پارلامنت آسامبلیاسی ایله مناسبتلرده گرگینلیک وار. اینانیرام کی، بوریچین باکی سفری آذربایجانلا آوروپا شوراسی پارلامنت آسامبلیاسی آراسینداکی گرگینلیین آرادان قالدیریلماسینا، حتی بو قوروم‌داکی عضولویوموزون برپا اولماسینا گتیریب چیخارا بیلر.

بو سؤزلری Axar.az-آ آچیقلاماسیندا پروفسور قابیل حسینلی دئییب.

«بروکسلده آمریکا، ایروان و آوروپا بیرلیی آراسیندا ارمنیستانین تهلوکه‌سیزلیی مسئله‌لری مذاکره ائدیلیب. بو گؤروش بؤلگه‌یه یاناشمانین چوخ کوبود و یاراماز فورماسی ایدی. بؤلگه‌نین ان قدرتلی دولتینی گؤرمزدن گله‌رک، ارمنیستان اوچون بئله بیر تدبیرین کئچیریلمه‌سی دوزگون دئییل. سؤزوگئدن گؤروشدن سونرا آوروپا شوراسی-نین باش کاتبینین بؤلگه‌یه گلمه‌سینی مثبت قیمتلندیریرم. بو سفر باکی-آوروپا شوراسی پارلامنت آسامبلیاسی مناسبتلرینین یومشالماسینا و آذربایجانلا ارمنیستان آراسیندا صلح مقاوله‌سینین امضالانماسینا تحفه وئره بیلر»، - او بیلدیریب.

قید ائدک کی، بوریچ حاضردا ایروان‌دا سفرده‌دیر، داها سونرا تفلیس و باکییا گلجیی گؤزلنیلیر.