منه وئریله‌ن معلوماتا گؤره، بین‌الخالق یولون کئچدیی اراضیلر (ارمنیستان-گورجوستان دولتلرآراسی آوتوموبیل یولو نظرده توتولور - رئد.) مقاوله‌لره (ارمنیستانلا آذربایجان آراسیندا - رئد.) داخل دئییل.

Axar.az خبر وئریر کی، بو سؤزلری ایرانین ارمنیستانداکی فوق‌العاده و صلاحیتلی سفیری مهدی سبحانی آپرلین ۱۹-دا ژورنالیستلرله صحبتینده قازاخین آنکلاو اولمایان ۴ کندینین قایتاریلماسی ایله باغلی آذربایجان و ارمنیستان آراسیندا بو گون الده ائدیله‌ن راضیلاشما حاقدا قید ائدیب.

«ارمنیستان حاکمیتی ایرانا معلومات وئریب کی، آذربایجانلا آلماتی بیاننامه‌سی اساسیندا، یعنی بین‌الخالق سویه‌ده تانینمیش سرحدلر اساسیندا راضیلاشمالار الده ائدیلیر»، - او بیلدیریب.

قید ائدک کی، «بین‌الخالق یولون کئچدیی اراضیلر» آذربایجان تورپاغینا دوشورسه، بونون مقاوله‌یه داخل ائدیلیب-ائدیلمه‌مه‌سی ایرانی «ناراحات» ائتمه‌لیدیر. چونکی محض سبحانی آز اؤنجه بیلدیرمیشدی کی، یوللارین آچیلماسی اؤلکه‌لرین اراضی بوتؤولویو چرچیوه‌سینده اولمالیدیر. ایران هانسی اخلاقلا آذربایجانین اؤز اراضی‌سینه - ناخچیوانا ایستدیی دهلیزه «ارمنیستانین سووئرنلیینین قورونماسی پرینسیپیندن» یاناشیر، آنجاق ارمنیستانین باشقا اؤلکه‌یه - گورجوستانا گئدن یولونون آذربایجان اراضی‌سیندن کئچمه‌سینی و بونا گؤره سووئرنلییمیزین پوزولماسینی «آلقیشلاییر»، حتی اؤزونه قطعیا عاید اولمایان بو مسئله‌نی تسکینلیک کیمی قبول ائدیر؟

آذربایجان اؤز حاقی اولانی آلیر و آلاجاق. اگر بین‌الخالق یول مسئله‌سینده هر هانسی گذشت نظرده توتولورسا، دئمک، رسمی باکی دا عینی منتقله گذشت طلب ائدیر – مثلاً، زنگزور اوچون…