آنا صحیفه سیاست |
دمشقده ایرانلی گنراللارین اؤلدورولمهسینه جاواب اولاراق تهران ۳۶۵ راکت و درونلا اسرائیلی ووردو. لاکین اکثریت بو ضربهنین راضیلاشدیریلمیش اولدوغونا اینانیر، چونکی آمریکا، آوروپا و یاخین شرق اؤلکهلری رئال ضربه ائندیرممیی خواهیش ائدیبلر. اسرائیل ده راضیلاشدیریلمیش شکیلده اصفهانداکی حربی اوبیکتلره ضربهلر ائندیریب.
بو سؤزلری Axar.az-آ روسییالی پولیتیلوق سئرگئی مارکوو ایران-ایسرایل گرگینلیگی حاقدا دانیشارکهن دئییب.
پولیتولوق بیلدیریب کی، ایران-اسراییل خصوصی اوثلوبوندا ائندیریلهن راکت ضربهلری حاقیندا دانیشماغین آرتیق واختیدیر:
«صربهلر ائندیریلیر، لاکین هئچ کیم خصوصی اولاراق ضرر چکمیر. مثال اوچون، ایران پیلوتسوز طیارهلری اسراییل هاوا مکانیندا چوخ یوکسکدن اوچوردو کی، آسانلیقلا آشکارلانا بیلسین. صحبت اصلینده رئال حربی هجوملاردان یوخ، خالقا نماییش ائتدیریلهن «زربهلردن» گئدیر».
مارکووون سؤزلرینه گؤره، تل-اویو و تهران بیرباشا محاربهدن قاچیر، لاکین مبارزهلرینی ده دایاندیرماق ایستهمیرلر:
«تهران بئله بیر محاربهنین نتیجهسینده اسراییلین ایرانا نووه ضربهسی ائندیره بیلجهییندن و آمریکا حربی گوجونون ایرانلا محاربهیه جلب ائدیلجهییندن قورخور. تل-اویو ده قورخور کی، نهنگ اسلام دنیاسی طرفیندن اسراییله ترور محاربهسی باشلایار و نتیجهده اؤلکه قانلی کااوسا غرق اولار».
پولیتولوگ حساب ائدیر کی، مناقیشه ایرانین پروکسی قوهلری ایله داوام ائدجک:
«ایران و اسراییل سون ۱۵-۲۰ ایلده آپاردیقلاری محاربهنی داوام ائتدیرهجکلر. بو، حماس، حزبوللاه کیمی پروکسی قوهلرین کمکی ایله باش توتاجاق. اسراییلین اؤزونون نئجه پروکسی محاربهسی آپارماسی کیرماندا سلیمانینین شرفینه کئچیریلن آنیم مراسیمینه اولان هجومدا گؤرسهندی. بو ضربهنی عراق کوردوستانیندان اسراییله نفت ساتماقلا مشغول اولان عراقلی میلیاردئر حیاتا کئچیریب. بو عراقلی میلیاردرین حربیلشدیریلمیش استروکتورلاری موساد-ین کمکی ایله یارادیلیب».
مارکوو ایران-اسراییل موچناقیشهسینین حاضردا بئله کریتیک حال آلماسینین سئچکیلرله باغلی اولدوغونو دوشونور:
«داها بیر یئنی مقام. بو، بایدئنین نتانیاهو ایله مناسبتلرینه باغلیدیر. اسراییل اوردوسونون ۲۰۲۳-جو ایل اوکتیابرین ۷-ده حماس-ین صربهسینین قارشیسینی آلا بیلمهمهسینده نئتانیاهونون گوناهکار اولدوغو هر کسه آیدیندیر. اونا گؤره ده اسراییلده سئچکیلر کئچیریلسه، نتانیاهو اودوزاجاق. و سونرا نتانیاهونون تضییق گؤستره بیلمیهجیی ۷ اوکتیابر حادثهلرینین نیه باش وئردیی ایله باغلی استینطاق باشلایاجاق. اونون سیاسی رقیبلری ایله آکتیو شکیلده امکداشلیق ائدن استیطناق نتانیاهونو گوناهلاندیراراق، حبسه ده آتا بیلر. بونون قارشیسینی آلماق اوچون نتانیاهو چیخیش یولو تاپدی - حماس-آ قارشی سونسوز محاربه آپارماق. مخالیفلر بونو آنلایاندا قززا زولاغیندا حربی عملیاتلارین دایاندیریلماسی و اسراییلده درخال پارلامنت سئچکیلرینین کئچیریلمهسی مسئلهسینی گوندهمه گتیردیلر. نتانیاهو امتیناع ائتدی. سونرا اسراییلین آوروپا لیبئرال یولونون طرفدارلاری بایدئنه مراجعت ائدرک، اوندان خواهیش ائتدیلر کی، نتانیاهودان قتلعامی دایاندیرماغی و عمومی سئچکیلر کئچیرمهیی طلب ائتسین. سئچکیلردن و نتیجهلردن قاچماق اوچون نتانیاهو اسراییل و آمریکانین دوشمنی - ایرانلا گرگینلیک یاراتماغی فیکیرلشدی. داها سونرا ایرانین دمشقدهکی کونسوللوغونا ضربهلر ائندیریلدی. سپاه گنرالینی اؤلدورمکله حربی و سیاسی مقصدینه ده چاتدی. ایرانین جاواب صربهسی بایدئنی اسراییلده سئچکی طلبینی گئری گؤتورمهیه مجبور ائتدی. و بایدئن ماسانین اوستونه یومروق ووروب، سئچکی طلب ائتمک اوزینه، نتانیاهویا زنگ ائدیب تبریک ائتمهیه، ایرانین اسراییله قارشی کوتلوی هجومونو دف ائتمک اوچون حربی گمیلر و طیارهلر گؤندرمهیه مجبور اولدو.
ایندی اساس مسئله بودور: بایدئن نتانیاهونون سئچکیلره گئتمهلی اولدوغونو قالدیراجاقمی؟ اگر بو طلبلری یئنیدن ایرلی سوررسه، نتانیاهو ایرانلا ائسکالاسییایا باشلایاجاق و ضربهلر ائندیرهجک. بایدئن بو طلبینی گئری گؤتورسه، نئتانیاهو زربه ائندیرمهیهجک و وضعیت ثابیتلهشجک.
بئلهلیکله، پارادوکسلاردان بیری اودور کی، یاخین شرقده بؤیوک محاربهنین باشلانماسی اسراییلده ائرکن سئچکیلرله بایدئن و نتانیاهو آراسیندا مناسیبتلرین نئجه انکیشاف ائتمهسیندن آسیلیدیر».
تاریخ
2024.04.20 / 11:50
|
مولف
وصاله ایسگندرووا
|