آنا صحیفه سیاست |
سپاراتیزمه سون قویدوغوموز بیر نئچه ساعتلیق آنتیترور عملیاتی ایله ده بیز اونلارا گوجوموزو نماییش ائتدیردیک. بیزیم ارمنیستانا قارشی یئنه ده پیس نیتیمیز یوخدور. بیزیم اونلارین اراضیسینه هئچ بیر ادعامیز یوخدور، اما اونلار باشا دوشمهلیدیرلر کی، بیرینجیسی، بو سلاحلار اونلارا کمک ائتمهیهجک. ایکینجیسی، بو، تهلکهلیدیر و منیم وظیفهم اونلارا، همچینین اونلارین آرخاسیندا دوران و اونلاری مانیپولیاسییا ائدنلره خبردارلیق ائتمکدیر کی، بو، حقیقتا تهلکهلیدیر و اونلار منیم دئدیکلریمه قولاق آسمالیدیرلار. چونکی بیلیرلر کی، سؤزلریمه قولاق آسمالیدیرلار. منیم توصیهم بودور.
Axar.az خبر وئریر کی، بونو پرزیدنت ایلهام علیئو «کوپ۲۹ و آذربایجان اوچون یاشیل باخیش» موضوعسوندا بینالخالق فورومدا چیخیشی زامانی دئییب.
«بوندان باشقا، ارمنیستان گلوبال قارشیدورما اوچون دیگر بیر نامزد اولا بیلر. تأسف کی، بیزیم سرحدلریمیزه یاخین بو حاللار دا موجوددور. بئلهلیکله، بونلاردان غربله روسییا آراسیندا گلوبال قارشیدورما اوچون استفاده اولونا بیلر و اگر بو، اونلار اوچون ان یاخشی سناریدیرسه، قرار اونلاریندیر.
آنجاق بو، فلاکت اولا بیلر. بو گون اونلارا هرطرفلی و دواملی دستک وعد ائدنلر، اگر ایلک گوله سرحدده آتیلسا قاچاجاقلار. من تام امینهم. آوروپالی صلح مشاهدهچیلری آدلانان، بیزه قارشی بینوکل دیپلماتییاسیندان استفاده ائدیب نه ایسه نمایش ائتدیرمهیه چالیشان، - بیلمیرم نه نمایش ائتدیرمک ایستهییرلر، - احتیاطدا اولان حربچیلر و پلیسلر بیزیم جواب وئرمهدییمیزه گؤره بیزه میننتدار اولمالیدیرلار. امینم کی، جدی بیر شئی اولسا، اونلار قاچاجاقلار. دئمهلی، بیز وضعیتی بئله گؤروروک و یئنه ده رگیوندا تهلکهسیزلییه، ثابتلییه گئدن یول آذربایجان-ارمنیستان مناسیبتلرینین نورماللاشماسیندان کئچیر. اونلار، یعنی، ارمنستانی نظرده توتورام، نورمال قونشو اولماغی اؤیرهنمهلی، قونشولارینا قارشی اراضی ادعالارینا سون قویمالیدیرلار. بیز بعضی مثبت تئندنسییالاری گؤروروک. لاکین بو، کیفایت دئییل. بو، یالنیز سؤزلردیر و بیز اونلارین فکرلرینی نئجه دییشدیره بیلجهیینی بیلیریک. ۲۰۱۹-جو ایلده دئییردیلر کی، «قاراباغ ارمنستاندیر» و بو، محاربهنین باشلانماسینا تکان وئردی. ایندی ایسه «قاراباغ آذربایجاندیر» دئییرلر.
بیلمیرم، بلکه بئش ایلدهن سونرا اؤلومجول سلاحلارلا تامین اولوناندا یئنه دئیهجکلر کی، «قاراباغ ارمنیستاندیر». بیز نه ائدک؟ بیز گؤزلهیه بیلمریک»، - دئیه پرزیدنت بیلدیریب.
تاریخ
2024.04.25 / 08:50
|
مولف
Axar.az
|