ارمنیستانین خارجی ایشلر ناظیری آرارات میرزویان ایله سربییا رسپوبلیکاسینین باش ناظیرینین بیرینجی معاونی، خارجی ایشلر ناظیری ایویتسا داچیچ آراسیندا تلفون دانیشیغی اولوب.

Axar.az خبر وئریر کی، بو باره‌ده ارمنیستان خارجی ایشلر ناظیرلیینین مطبوعات خدمتی معلومات یاییب.

بیلدیریلیب کی، طرفلر ایکی‌طرفلی امکداشلیق و گونده‌لیکله دوران مسئله‌لره دایر فکر مبادله‌سی آپاریبلار.

ناظیرلر همچنین رگیونال مسئله‌لری مذاکره ائدیبلر. میرزویان جنوبی قافقازدا داواملی صلحون الده ائدیلمه‌سینین، ارمنیستان و آذربایجان آراسیندا مناسبتلرین نرماللاشدیریلماسینین، او جمله‌دن دلیمیتاسییا پروسسینده اراضی بوتؤولویو پرینسیپینه قید-شرط‌سیز رعایت ائدیلمه‌سینین و ۱۹۹۱-جی ایل آلما-آتا بیاننامه‌سینه صادقلیین واجبلیینی وورغولاییب.