قازاخیستان خارجی ایشلر ناظیرلیینین رسمی نماینده‌سی آیبک سمادیاروون «قازاخیستان حاکمیتی ارمنیستان و آذربایجان خارجی ایشلر ناظیرلرینین آلماتی‌دا گؤروشونو تشکیل ائدرکه‌ن دانیشیقلاردا واسطه‌چی رولونو اوینامایاجاق» آچیقلاماسینی فایدالی حساب ائدیرم.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«آذربایجانلا ارمنیستانا واسطه‌چی لازم دئییل، بیرباشا دانیشیقلار مثبت نتیجه وئریر. ۳۰ ایل عرضینده نه قدر واسطه‌چی اولدو، هئچ بیری ایشه یارامادی. طرفلرین واسطه‌چییه یوخ، گؤروش اوچون مکانا احتیاجلاری وار، اونو دا قازاخیستان حاکمیتی تقدیم ائدیر. قازاخیستان خارجی ایشلر ناظیرلیی نماینده‌سی آستانانین تکلیفینی «گود افیس» (یاخشی افیس) کیمی قیمتلندیریب. قازاخیستان واسطه‌چی اولماسا دا، آذربایجانلا ارمنیستان آراسیندا راضیلاشمانین الده ائدیلمه‌سینی آرزولایان اساس دولتلردندیر. آستانا باکی و آنکارا قدر زنگزور دهلیزینین ایشه دوشمه‌سینی ایستییر. بو دهلیز قازاخیستانین دا باش رول اوینایاجاغی اورتا دهلیز لایحه‌سینین رئاللاشماسینی سرعتله‌ندیرجک. قازاخیستان پرزیتنتینین قیسا زماندا کسیینده آذربایجانا و ارمنیستانا سفرلری هم ده بونونلا باغلی ایدی»، - پولیتولوق وورغولاییب.