ارمنیستان‌دا باش وئرن سون پروسسلر، کشیش باگراتین رهبرلیی آلتیندا روانشیستلرین و آذربایجانلا دلیمیتاسییایا قارشی اولانلارین آکسییالاری، عینی زماندا بو فوندا کئچیریله‌ن آلماتی گؤروشو آذ ت.و-ده مذاکره ائدیلیب.

Axar.az خبر وئریر کی، «هدف» وئریلیشینده گئدن مذاکره‌ده پولیتولوق آینور جمال آلماتی گؤروشونو ارمنیستانداکی اعتراضلار فونوندا قیمتلندیرمیین واجبلیینی بیلدیریب. او وورغولاییب کی، آلماتی گؤروشوندن اؤنجه خصوصیله ارمنیستان طرفی «پوزیتیو» آچیقلامالار وئریردی و جدی ایرلیلییشین اولا بیلجیینی، حتی معین راضیلاشمالارین سندلشه بیلجییندن دانیشیردیلار. آنجاق بو دانیشیقلاردا اؤز مؤقعلرینی گوجله‌ندیرمک و مؤقعلرینین قبول اولونماسینا دا چالیشیردیلار.

آینور جمالین فکرینجه، ارمنیستاندا باشلایان اعتراضلارین حاضیرکی مقیاسی پروسسین آرخاسیندا پاشینیانین دا اولدوغو احتمالینی ایر‌لی سورمه‌یه امکان وئریر. چونکی یوروشده حددن آرتیق آز اشتراکچی واردی، آنجاق ۹ مای‌دا ایرواندا کئچیریله‌ن میتینگده اشتراکچی سایی «حاکمیتی ده تعجبلندیردی». آنجاق میتینگدن سونرا ایروان‌دا کوچه‌لرین بلوکلانماسی آلینمادی، حالبوکی اون‌مینلرله شخصین توپلاندیغی میتینگین آردینجا کوچه‌لرین بلوکلانماسیندا هئچ اولماسا مینلرله شخص اشتراک ائتمه‌لی ایدی.

آینور جمال قید ائدیب کی، بو و کشیش باگراتین «حقوقی پروسدور» دئیه باشلاتدیغی ایمپیچمنت مسئله‌سینین ایندیدن پرسپکتیوسیز اولماسینی تصدیقله‌یه‌ن فاکتلار آکسییالاردا ملکی مقاوله پارتییاسینین ماراقلی اولدوغونو تصدیقلییر. پاشینیانین کمانداسی بو «اعتراضلاردان» آذربایجان نماینده هیئتی ایله دانیشیقلاردا «مقاومت گؤسترمک اوچون» استفاده ائده بیلر. بونا گؤره ده آلماتی گؤروشو اولجه‌دن پروگنوزلاشدیریلان نتیجه‌نی وئرمه‌دی.

داها اطرافلی ویدئودا: