آذربایجانین ایران‌داکی سفیرلیی یئنی مکاندا فعالیت گؤسترجک. خارجی ایشلر ناظیرلیینین آچیقلاماسیندان معلوم اولور کی، رسمی باکی ترور آکتیندان سونرا باغلانان سفیرلیین فعالیتینین برپا ائدیلمه‌سی اوچون تهراندان تهلوکه‌سیزلیک ضمانتی طلب ائدیر. سفیرلیک بناسینین یئنی مکانا کؤچورولمه‌سی ده تهلوکه‌سیزلیک مقصدی داشییر.

بو، باکی-تهران خطینده مناسبتلرین نرماللاشماسی آتموسفرینه اویغوندور. هرچند:

- سفیرلیمیزه قارشی تؤردیله‌ن ترور آکتینین ایزی ایران سیاسی دایره‌لرینه قدر گئدیر و ترورچو جزالاندیریلسا دا، بونو پلانلاشدیریلانلار ضررسیزلشدیریلمه‌ییب، هله ده تهران رژیمینده تأثیر امکانلارینی ساخلاییرلار؛

- ایران داخلینده آذربایجانا قارشی اولان بو گروپلارین عینی آددیمی آتمایاجاغینا، یاخود باشقا تخریباتلار تؤرتمیجیینه ضمانت یوخ‌دور.

ترور آکتینین آرخاسینداکی گوجلری نه‌اینکی محکمه قارشی‌سینا چیخارمایان، عمومیتله ضررسیزلشدیرمه‌یه‌ن رسمی تهرانین وئردیی ضمانت ده یالنیز وعددن عبارت‌دیر. بو باخیم‌دان، سفیرلییمیزین یئنی مکانا کؤچورولمه‌سی تهلوکه‌سیزلیین تام تامین ائدیلجیینی سوال آلتیندا سالیر.

او دا استثنا دئییل کی، ایران داخلینده باکی-تهران مناسبتلرینین نرماللاشماسینین علیه‌اینه اولانلار سفیرلیین یئنی‌دن آچیلماسینین قارشی‌سینی آلماق مقصدیله تخریبات تؤرده بیلر. ایرانین محافظه‌کار الیتاسینا باغلی مدیا ارگانلارینین آذربایجانا قارشی آنتی‌تبلیغات کامپانییاسینی یئنی‌دن گوجله‌ندیرمه‌سی ده بو کنتکستده دقت چکیر.