بیزیم اوچون ان واجب مسئله‌لردن بیری ارمنستانین اراضی بوتؤولویونون قورونوب ساخلانماسی و زنگزور مسئله‌سی‌دیر. بوردا ارمنستان و ایرانین ماراقلاری ۱۰۰ فایز اوست-اوسته دوشور، آنجاق غربین یوخ. غرب روسییا و ایراندان یان کئچن و بیرباشا اورتا آسییایا اوزانان پلاتفورما یاراتماقدا ماراقلی‌دیر و بو، تورکییه و آذربایجان اوچون داها صرفه‌لی‌دیر.

Axar.az خبر وئریر کی، بو سؤزلری پولیتولوگ آرمن باقداساریان ارمنی مئدیاسینا گئنیش شرحین‌ده دئییب.

اونون ادعاسینا گؤره، بو مقام‌دا ارمنستان باش ناظری نیکول پاشینیانین ایرانلا مناسیبتلری ایکینجی مرحله‌یه کئچیریب، بیرباشا غربه اوستونلوک وئرمه‌سی مشاهیده ائدیلیر:
«غرب اوچون بؤلگه‌میزده اساس اویونچو تورکییه‌دیر. و اساس هدف بیر طرفدن روسییا، دیگر طرفدن ایسه ایران اولدوغو اوچون، طبیعی کی، غربه اینتقراسییا بیرباشا تورکییه ایله مناسیبتلری گوجله‌ن‌دیرمک و امکداشلیق ائتمک دئمکدیر. همین اینئقراسییانین یولو تورکییه‌دن کئچه‌جک و ارمنستان اقتصادی، سیاسی و حربی پتنسیالی ایله تورکییه ایله برابرحقوقلو امکداشلیق ائده بیلمه‌یه‌جک و نتیجه‌ده تورکییه‌نین ماریونئت اؤلکه‌سینه چئوریله‌جک».

اونون فیکرینجه، ایران ارمنستانین مدافعه قابیلیتینی آرتیرماق آرزوسو و امکانی اولان اؤلکه‌دیر. آنجاق حاضردا ارمنستانین غرب‌یؤنلو سیاستی ایرانلا علاقه‌لرین ساخلانیلماسینا امکان وئرمیر، حتی آوروپا ایروانین ایرانا سانکسییالارا قوشولماسینی طلب ائده بیلر.

باقداساریان قئد ائدیب کی، پاشینیانین «بیر گون ایرانلا سرحدین باغلانا بیلجه‌یی» حاقدا سؤزلری جدی‌دیر، خصوصاً نظره آلاق کی، او، بو فیکری آمریکانین یوکسک روتبه‌لی مأمورونون سفری زامانی سسله‌ندیرمیشدی.