آذربایجان رسپوبلیکاسینین پرزیدنتی ایلهام علیئو و بیرینجی خانیم مهریبان علیئوا مایین ۱۸-ده زنگیلان مسجیدینین آچیلیشین‌دا اشتراک ائدیبلر.

Axar.az خبر وئریر کی، آذربایجان رسپوبلیکاسی پرزیدنتینین کمک‌چی‌سی آنار الکبروو دولتیمیزین باشچی‌سینا و بیرینجی خانیما گؤرولن ایشلر باره‌ده معلومات وئردی.

قید ائدک کی، زنگیلان‌دا یئنی مسجیدین تملی شهر اشغال‌دان آزاد ائدیلدیکدن سونرا - ۲۰۲۱-جی ایل آپرلین ۲۶-دا آذربایجان رسپوبلیکاسینین پرزیدنتی ایلهام علیئو طرفین‌دن قویولوب. مسجیدین تیکینتی‌سینی حیدر علیئو فوندو «پاشا هولدینگ»ین دستیی ایله حیاتا کئچیریب.

ارمنیستان ۳۰ ایللیک اشغال دؤورونده از‌لی آذربایجان تورپاقلاریندا اولان بوتون دینی عابده‌لریمیزه قارشی وحشی‌لیکلر تؤردیب. ارمنیلر شهر و رایونلاریمیزدا یاشاییش و انضباطی بینالاری، بوتون اینفراستروکتورو داغیدیب، طبیعی ثروتلریمیزی تالان ائدیب، بو اراضیلرده‌کی دینی، تاریخی، مدنیت عابده‌لریمیزی واندالیزم آکتلارینا معروض قویوب. او جمله‌دن زنگیلان رایونونداکی تاریخی، دینی، مدنیت عابده‌لریمیز ارمنی تجاوزونون قربانلاری سیراسیندادیر. بورادا دا مقدس اوجاقلاریمیز ارمنیلر طرفین‌دن داغیدیلیب، تحقیر ائدیلیب. اشغال دؤورونده زنگیلان شهرینده‌کی تاریخی مسجددن طوله کیمی استفاده اولونوب. ۱۹-جو عصرده اینشا ائدیلمیش و معمارلیق عابده‌سی کیمی اینونتارلاشدیریلان مسجید داغیدیلیب، ایلکین گؤرکه‌مینی ۷۰ فایزه قدر ایتیریب.

اشغال آلتین‌دا اولان اراضیلریمیز آزاد ائدیلدیکدن سونرا قاراباغداکی تاریخی، دینی و مدنیت عابده‌لرینین برپاسی لاییحه‌لری چرچیوه‌سینده زنگیلان مسجیدینده برپا-تیکینتی ایشلرینه باشلانیلمیشدی. یئرلی و خاریجی اکسپرتلردن عبارت ایشچی گروپ مسجیدین موجود بیناسیندا قیمتلندیرمه آپاریب و بونا اساساً بینانین کونسرواسییاسینا قرار وئریلیب.

کونسرواسییا اولونان تاریخی مسجیدین یانیندا یئنی مسجید اینشا ائدیلیب. یئنی مسجید بیناسی دوزبوجاقلی پلان قورولوشلو، ایکی مناره‌لی، اوچ نفلی لایحه‌لندیریلیب. مسجید بیناسیندا ۲۲۰ و ۱۰۰ نفرلیک عبادت زاللاری یارادیلیب. مسجیدین مناره‌لری و گونبزی کاشی و کرپیجدن ییغیلیب. اینتریرده نققاش‌لیق ایشلری آپاریلیب، مهراب کاشیدان ییغیلمیش نباتی ناخیشلارلا ایشلنیب. مینبر و شبکه المنتلری طبیعی آغاجدان حاضیرلانیب.

اشغال دورون‌ده داغیدیلمیش تاریخی زنگیلان شهر مسجیدینین اراضی‌سینده ایسه آچیق سما آلتیندا سرگی یارادیلیب. سرگی قاراباغ و شرقی زنگزور اراضیلرین‌ده موجود اولموش بیر سیرا دینی عابده‌لریمیزه قارشی تؤردیلمیش واندالیزمین عمومی منظره‌سینی عکس ائتدیریر. بورادا اشغالین ان آغیر فسادلاریندان بیری کیمی بشری اهمیته مالیک مدنی ارثیمیزین، او جمله‌دن ایسلام دینینه عایید عابده‌لرین قصداً داغیدیلماسی و محو ائدیلمه‌سینه دایر فاکتلار یئر آلیب. عینی زامان‌دا، بو اراضیلرده یوزلرله مسلمان قبریستانلیغینین محو ائدیلدیی، مسلمان دینی عبادت یئرلرینین، مسجید و توربه‌لریمیزین تعیناتینین دییشدیریله‌رک ساختالاشدیریلدیغی، بیر چوخ حاللاردا ایسه طوله کیمی استفاده اولوناراق اورادا دینیمیزده حرام ساییلان حیوانلارین ساخلانیلدیغی آشکار ائدیلیب.