تورکیه‌نین نقلیات و اینفراستروکتور ناظیری عبدالقادر اورال‌اوغلو زنگزور دهلیزینین ۲۰۲۸-۲۰۲۹-جو ایللردن تام گوجو ایله ایشله‌مه‌یه باشلایاجاغینی بیلدیریب. ناظیر اوخشار آچیقلامانی بو ایل عرضینده بیر نئچه دفعه سسلندیریب. تورکیه‌نین نقلیات و اینفراستروکتور ناظیرینین زنگزور دهلیزینین ایشه باشلایاجاغی ایله باغلی امین‌لیی نه ایله باغلی‌دیر؟ آخی ارمنیستان آذربایجانین مانع‌سیز دهلیز یاناشماسینی قبول ائتمیر و بو، دانیشیقلاردا ایرلیلییشین الده ائدیلمه‌سینه انگل‌دیر.

Axar.az خبر وئریر کی، بو باره‌ده پولیتولوق ائلخان شاهین‌اوغلو بیلدیریب.

پولیتولوقون فکرینجه، زنگزور دهلیزی ایله باغلی راضی‌لیق اولماسا دا، عبدالقادر اورال‌اوغلونون امیدوئریجی آچیقلامالاری عمومی ایشین خیرینه‌دیر:

«آنکارا ایله ایروان آراسین‌دا دیالوگ داوام ائدیر و ممکوندور کی، ارمنیستان رسمیلری زنگزور دهلیزینین آچیلماسییلا باغلی اوزرلرینه معین عهده‌لیکلر گؤتوروبلر. ایروانی تلسدیرمه‌یه مجبور ائد‌ن باشقا گئدیشات دا وار. ارمنیستان زنگزور دهلیزینی یوباداجاغی حال‌دا ایراندان کئچه‌ن آراز دهلیزی ایشه دوشه‌جک. بو حال‌دا ارمنیستان اویوندان‌کنار وضعیت‌ده قالاجاق و اورتا دهلیزین ترکیب حصه‌سی اولا بیلمه‌یه‌جک. آذربایجان و ایران پرزیدتلری بو گون «خدافرین» هیدروقووشاغینین استثمارا وئریلمه‌سی و «قیز قالاسی» هیدروقووشاغینین آچیلیش مراسمی ایله علاقه‌دار آراز چایی کناریندا گؤروشوبلر. پرزیدنتلرین آراز کنارییلا دمیر یولو خطینین تیکینتی‌سی موضوع‌سونو دا مذاکره ائدجیی احتمالی یوکسکدیر».