۱۰:۱۰
پرزیدنت ایلهام علیئو ایران اسلام رسپوبلیکاسینین عالی رهبری آیتا اللاه سید علی خامنهای حضرتلرینه باشساغلیغی وئریب.
Axar.az خبر وئریر کی، باشساغلیغینین متنینده دئییلیر:
"محترهم آیتوللاه خامنهای حضرتلری،
دوست و قارداش ایران اسلام رسپوبلیکاسینا و خالقینا اوز وئرمیش آغیر ایتکی - ایران اسلام رسپوبلیکاسینین پرزیدنتی سید ابراهیم رئیسینین، خاریجی ایشلر ناظری حسین امیر عبداللهییانین و دیگر مشایعت ائدن شخصلرین هلیکوپتر قزاسیندا فاجعهلی صورتده هلاک اولماسی خبری بیزی اولدوقجا سارسیتدی.
پرزیدنت سید ابراهیم رئیسینین سیماسیندا ایران خالقی بوتون حیاتینی اؤلکهسینه فداکارلیقلا و صداقتله خدمت ائتمیش گؤرکملی دولت خادمینی ایتیردی. اونون عزیز خاطرهسی قلبیمیزده دایم یاشایاجاقدیر.
بو حزنلو گونده اوجا اللهدان دوست و قارداش ایران خالقینا صبر و دؤزوم دیلییر، کدرینه شریک اولدوغوموزو بیلدیریر، سیزه، هلاک اولانلارین عائلهلرینه و یاخینلارینا، بوتون خالقینیزا شخصاً اؤز آدیمدان و آذربایجان خالقی آدیندان درین حزنله باشساغلیغی وئریرم.
الله رحمت ائلسین!".
***
۱۰:۲۶
آوروپ بیرلییی شوراسینین پرزیدنتی شارل میشل ایرانا باشساغلیغی وئریب.
بو بارهده او، ایکس ده یازیب.
"آوروپا بیرلیییی هلیکوپتر قزاسیندا پرزیدنت رئیسی و خاریجی ایشلر ناظری عبداللهیانین، ائلجه ده اونلارین نماینده هئیتینین و اکیپاژینین دیگر عضولرینین وفاتی ایله باغلی صمیمی باشساغلیغی وئریر. دوشونجهلریمیز هلاک اولانلارین عائلهلری ایلدیر"، - او قید ائدیب.
***
تورکییه پرزیدنتی رجب طیب اردوغان ایران اسلام رسپوبلیکاسینین پرزیدنتی ابراهیم رئیسی و نماینده هئیتینین وفاتی ایله باغلی باشساغلیغی وئریب.
بو بارهده ترکییه کیو معلومات یاییب.
***
روسییانین خاریجی ایشلر ناظری سرگئی لاوروو ایران پرزیدنتی ابراهیم رئیسی و خاریجی ایشلر ناظری حسین عبداللهیانین هلیکوپتئر قزاسیندا هلاک اولماسی ایله باغلی باشساغلیغی وئریب.
بو بارهده روسییا خاریجی ایشلر ناظیرلیینین یایدیغی معلوماتدا قید اولونوب.
«روسییادا ایران پرزیدنتی ابراهیم رئیسی و خاریجی ایشلر ناظری حسین امیر عبداللهیان اؤلکهمیزین حقیقی، اعتبارلی دوستلاری کیمی تانینیردیلار. قارشیلیقلی فایدالی روسییا-ایران امکداشلیغینین و اعتبارلی ترفداشلیغین محکملندیریلمهسینده اونلارین رولو اوزسیزدیر. بیز هلاک اولانلارین عائلهلرینه و یاخینلارینا، ائلجه ده بوتون دوست ایران خالقینا صمیمی قلبدن باشساغلیغی وئریریک. بو کدرلی ساعتدا دوشونجهلریمیز، قلبیمیز سیزینلهدیر»، - لاوروو بیلدیریب.
قید ائدک کی، ایران پرزیدنتی ابراهیم رئیسی، خاریجی ایشلر ناظری حسین امیر عبداللهیان، تبریزین امام جمعهسی آیتوللاه آلهاشیم، شرقی آذربایجان ویلایتینین والیسی مالیک رحمتی ۱۹ مایدا شرقی آذربایجان ویلایتینده باش وئرهن هلیکوپتر قزاسیندا هلاک اولوب.
***
۱۱:۴۲
بلاروس پرزیدنتی آلکساندر لوکاشنکو ایرانین عالی دینی لیدری علی خامنهاییه ابراهیم رئیسی و بیر سیرا یوکسک سوییهلی لیدرلرین وفاتی ایله علاقهدار باشساغلیغی وئریب.
بو بارهده بلاروس پرزیدنتی آلکساندر لوکاشنکونون مطبوعات خیدمتی معلومات یاییب.
او، خصوصیله رئیسینین بلاروسون اصل دوستو اولدوغونو و بلاروس-ایران امکداشلیغینین انکشافینا قایغی گؤستردیین بیلدیریب:
«پرزیدنت ابراهیم رئیسی بوتون حیاتینی ایران خالقینا فداکار خیدمته حصر ائتمیش مدریک لیدئر کیمی تاریخه دوشهجک. بلاروسون اصل دوستو اولان، بلاروس-ایران امکداشلیغینین انکشافینا بؤیوک اهمیت وئرن پرزیدنتله گؤروشلر، صحبتلر حاقیندا ان خوش خاطرهلریمی همیشهلیک یادداشیمدا ساخلایاجاغام».
***
۱۲:۴۰
آذربایجان رسپوبلیکاسینین مدافعه ناظری گنرال-پولکوونیک زاکیر حسنوو ایران اسلام رسپوبلیکاسی سلاحلی قوهلرینین باش قرارگاه رئیسی گنرال-لیتئنانت محمد حسین باقرییه باشساغلیغی اونوانلاییب.
بو بارهده مدافعه ناظرلییی معلومات یاییب.
"قارداش ایران اسلام رسپوبلیکاسی سلاحلی قوهلرینه مخصوص هلیکوپترین قزایا اوغراماسی نتیجهسینده ایران اسلام رسپوبلیکاسینین پرزیدنتی جناب ابراهیم رئیسینین و اونو مشایعت ائدن نماینده هئیتینین هلاک اولماسی حاقیندا خبر منی دریندن کدرلندیردی.
فاجیعوی قزا زمانی بوتون هلاک اولانلارین یاخینلارینین و عزیزلرینین کدرینه شریک اولدوغوموزو بیلدیریر، اللهدان صبیر دیلییریک.
روحلاری شاد، خاطرهلری عزیز اولسون.
الله رحمت ائلسین"، - باشساغلیغیندا دئییلیر.
قید ائدک کی، ایران پرزیدنتی ابراهیم رئیسی، خاریجی ایشلر ناظری حسین امیر عبداللهیان، تبریزین امام جمعهسی آیتوللاه علی آلهاشیم، شرقی آذربایجان ویلایتینین والیسی مالک رحمتی ۱۹ مایدا شرقی آذربایجان ویلایتینده باش وئرهن هلیکوپتر قزاسیندا هلاک اولوب.
***
۱۲:۵۸
ابراهیم رئیسی و اونو مشایعت ائدنلرین هلیکوپتر قزاسیندان اؤلمهسی ایله علاقهدار لیواندا ۳ گونلوک ماتم اعلان ائدیلیب.
بو بارهده "مهر" معلومات یاییب.
قید ائدک کی، ایران پرزیدنتی ابراهیم رئیسی، خاریجی ایشلر ناظری حسین امیر عبداللهیان، تبریزین ایمام جمعهسی آیت اللاه علی هایم، شرقی آذربایجان ویلایتینین والیسی مالیک رحمتی ۱۹ مایدا شرقی آذربایجان ویلایتینده باش وئرهن هلیکوپتر قزاسیندا هلاک اولوب.
***
۱۳:۴۵
آذربایجانین باش ناظری علی اسدوو ایران اسلام رسپوبلیکاسینین پرزیدنتی سید ابراهیم رئیسینین، خاریجی ایشلر ناظری حسین امیر عبداللهیانین و دیگر مشایعت ائدن شخصلرین هلیکوپتر قزاسیندا هلاک اولمالاری ایله باغلی ایرانین بیرینجی ویتسه پرزیدنتی محمد مخبره باشساغلیغی مکتوبو عنوانلاییب.
بو بارهده ناظیرلر کابینتینین مطبوعات خیدمتیندن معلومات وئریلیب.
مکتوبدا اسدوو ایرانین بیرینجی ویتسهپرزیدنتینه، هلاک اولانلارین عائلهلرینه و یاخینلارینا درین حزنله باشساغلیغی وئریب، ایران خالقینین کدرینه شریک چیخدیغینی بیلدیریب.
قید ائدک کی، ایران پرزیدنتی ابراهیم رئیسی، خاریجی ایشلر ناظری حسین امیر عبداللهیان، تبریزین امام جمعهسی آیت اللاه علی آلهاشم، شرقی آذربایجان ویلایتینین والیسی مالیک رحمتی ۱۹ مایدا شرقی آذربایجان ویلایتینده باش وئرن هلیکوپتر قزاسیندا هلاک اولوب.
***
۲۱:۱۰
تورکیه پرزیدنتی رجب اردوغان ایران پرزیدنتی وظیفهلرینی اجرا ائدن محمد مخبرله تلفون دانیشیغی آپاریب.
بو بارهده تورکیه پرزیدنت آدمینیستراسییاسی معلومات یاییب.
اردوغان هلیکوپتر قضاسیندا هلاک اولان ایران پرزیدنتی و دیگر رسمیلرله علاقهدار باشساغلیغی وئریب.
او، تورکیهنین آغیر گونلرده ده ایرانین یانیندا اولدوغونو، قونشولوق و قارداشلیق مناسبتلرینی گلهجکده ده یئرینه یئتیرمهیه داوام ائدجیینی قئد ائدیب.
***
۲۲:۲۰
تورکیهده ایران پرزیدنتی ابراهیم رئیسینین هلیکوپتر قضاسیندا هلاک اولماسی ایله علاقهدار بیرگونلوک ماتم اعلان ائدیلیب.
بو بارهده تورکیه پرزیدنتی رجب طیب اردوغان آچیقلاما وئریب.
قید ائدک کی، ایران پرزیدنتی ابراهیم رئیسی، خارجی ایشلر ناظیری حسین امیر عبداللهیان، تبریزین امام جمعهسی علی آل هاشم، شرقی آذربایجان ولایتینین والیسی مالک رحمتی ۱۹ مایدا شرقی آذربایجان ولایتینده باش وئرن هلیکوپتر قضاسیندا هلاک اولوب.
***
۲۳:۱۰
آمریکا دولت دپارتامنتی ایران پرزیدنتی ابراهیم رئیسینین اؤلومو ایله باغلی باشساغلیغی وئریب.
بو بارهده دولت دپارتامنتینین سؤزچوسو متیو میلر بیانات یاییب.
"آمریکا ایرانین شمال-غربینده باش وئرمیش هلیکوپتر قضاسی نتیجهسینده ایران پرزیدنتی ابراهیم رئیسی، خارجی ایشلر ناظیری حسین امیر عبداللهیان و نماینده هیئتینین دیگر عضولرینین هلاک اولماسی ایله باغلی رسمی باشساغلیغی وئریر. بیز ایران خالقینا دستییمیزی بیر داها تصدیقلییریک"، - دئیه بیاناتدا قید اولونوب.
