روسیا پرزیدنتی ولادیمیر پوتین دولت دوماسینین صدری ویاچسلاو وولودیندن ایران رهبرلیینه اؤلکه‌لر آراسیندا امکداشلیغین دا عینی شکلده انکشاف ائدجیینی گؤزلدیینی چاتدیرماغی خواهش ائدیب.

Axar.az خبر وئریر کی، بو باره‌ده پوتین وولودینله گؤروشده بیلدیریب.

"بیز ده اؤز نوبه‌میزده روسیا-ایران مناسبتلرینین بو آخاردا داوام ائتمه‌سی اوچون هر شیی ائدجییک، خواهش ائدیرم بو سؤزلری ایران رهبرلیینه چاتدیرین"، - پوتین دئییب.

وولودین ده اؤز نوبه‌سینده وورغولاییب کی، رئیسینین وداع مراسمینده اشتراک ائتمک اوچون صاباح سحر تئزدن تهرانا اوچاجاق.

اونون سؤزلرینه گؤره، ایران پرزیدنتی ایکی اؤلکه آراسیندا علاقه‌لرین انکشافی اوچون چوخ ایشلر گؤروب.

دولت دوماسینین اسپیکری علاوه ائدیب کی، پوتینین گؤستریشلرینی یئرینه یئتیرجک و باشساغلیغی وئرجک.

قید ائدک کی، ایران پرزیدنتی ابراهیم رئیسی، خارجی ایشلر ناظیری حسین امیر عبداللهیان، تبریزین امام جمعه‌سی علی آل هاشم، شرقی آذربایجان ولایتینین والسی مالک رحمتی ۱۹ مای‌دا شرقی آذربایجان ولایتینده باش وئرن هلیکوپتر قضاسیندا هلاک اولوب.