آمریکا پرزیدنتی جوزف بایدن آذربایجان پرزیدنتی ایلهام علیئوی مستقیللیک گونو مناسیبتیله تبریک ائدیب.
Axar.az تبریکین متنینی تقدیم ائدیر:
"حورمتلی جناب پرزیدنت،
آمریکا خالقی آدیندان سیزی و آذربایجان خالقینی مستقیللیک گونو مناسیبتیله تبریک ائدیرهم.
آمریکا بیرلشمیش اشتاتلاری آذربایجان رسپوبلیکاسی ایله ایکیطرفلی مناسیبتلرینه دیر وئریر. دیپلوماتیک علاقهلریمیزین ۳۰ ایلدن آرتیق بیر دؤورونده بیز انرژی تهلوکهسیزلیگی، رئگیونال تهلوکهسیزلیک و ترورچولوقلا مبارزه ده داخیل اولماقلا بیرگه ماراقلارا سؤیکنن طرفداشلیق قورموشوق. هر ایکی اؤلکهمیز افقانستاندا چیین-چیینه دؤیوشموش و بیرلیکده جنوب گاز دهلیزینی انکیشاف ائتدیرمکله رئگیونال انرژی تهلوکهسیزلیگی ایله باغلی چاغیریشلارا سینه گرمیشدیر. بیز همچینین روسییانین داوام ائدن غدار محاربهسی فونوندا آذربایجانین اوکراینایا گؤستردیی حیات اهمیتلی هومانیتار یاردیمی دا یوکسک قیمتلندیریریک.
پرزیدنتلیینیزین بئشینجی مدتینین باشلادیغی بیر واختدا، آمریکا بیرلشمیش اشتاتلاری رئگیونال و گلوبال مسئلهلرده، او جملهدن اقلیم دییشیکلیگی و یاشیل انرژییه کئچید ساحهسینده قارشیلیقلی امکداشلیغیمیزی درینلشدیرمهیه سعی گؤسترهجکدیر. بیز آذربایجانی دموکراتیک ادارهائتمهنی گوجلندیریلمهسی و بوتون آذربایجانلیلارین انسان حقوقلاری و فوندامنتال آزادلیقلارینین قورونماسی اوچون اساسلی آددیملار آتماغا دعوت ائدیریک. بیز نویابردا باکیدا کئچیریلهجک کوپ۲۹ چرچیوهسینده اقلیمله باغلی بیرگه مقصدلریمیزین ایرلیلهدیلمهسینی آرزولاییریق و تدبیرین اوغورلا کئچیریلمهسینده آذربایجانا دستک وئرمهیه حاضیریق.
آذربایجانین مستقیللیینین قید ائدیلدیی بو بایرامدا آمریکا بیرلشمیش اشتاتلاری آذربایجانین مستقیللیگی، اراضی بوتؤولویو و سووئرنلیینه دستیهینی بیر داها تصدیق ائدیر. بیز آذربایجان و ارمنستانین داواملی و لیاقتلی صلحون تامین ائدیلمهسینه یؤنهلمیش آددیملارینی آلقیشلاییریق و بو سعیلری دستکلهمهیه حاضیریق. ان اساسی ایسه بیز آذربایجان خالقی ایله طرفداشلیغیمیزی انکیشاف ائتدیرمهیی و علاقهلری محکملندیرمهیی آرزولاییریق.
سیزه و آذربایجان خالقینا ان خوش آرزولاریمی یئتیریرم".