آذربایجان و ایران آراسین‌دا الده اولونان رازیلاشمالارین اجراسینین واجیب‌لییی وورغولانیب.

Axar.az خبر وئیر کی، بو باره‌ده ایرانین آذربایجان‌داکی سفیرلیینین تلگرام کانالین‌دا پایلاشیم ائدیلیب.

بیلدیریلیب کی، اؤتن گون آذربایجان باش ناظرینین معاوینی شاهین مصطفی‌یئو و ایرانین یول و شهرسالما ناظری مهرداد بذرپاش آراسین‌دا تلفن دانیشیغی باش توتوب.

تلفن دانیشیغیندا آذربایجان باش ناظرینین معاوینی ایران پرزیدنتی و اونونلا بیرلیکده هلاک اولانلارلا علاقه‌دار ایران طرفینه باشساغلیغی وئریب.

تلفن صحبتینده ایرانین یول و شهرسالما ناظری مهرداد بذرپاش ایران پرزیدنتینین اؤلومو ایله علاقه‌دار آذربایجانین یوکسک رسمیلرینین ایرانین آذربایجان‌داکی سفیرلیینده، ائلجه ده، تهران‌دا ایران پرزیدنتی ایله وداع مراسیمین‌ده اشتراک ائتدیینه گؤره اؤز تشکرونو بیلدیریب.

ایران‌لی رسمی آذربایجانی ۲۸ مای – مستقیل‌لی گونو مناسیبتی ایله تبریک ائدیب.

قید ائدک کی، ایران و آذربایجان آراسیندا «خودآفرین» هیدروقووشاغینین استثمارا وئریلمه‌سی و «قیز قالاسی» هیدروقووشاغینین آچیلیشی ایله باغلی تدبیر کئچیریلیب.

ایران طرفی بیلدیریر کی، قیز قالاسی هیدروقووشاغینا ۵،۵ تریلیون ریال (تخمیناً ۱۳۱ میلیون دلار) دیرینده وسایت خرج‌لنیب. بو سو بندی ایلده ۲ میلیارد کوب متر (۱ میلیارد کوب متر آذربایجان، ۱ میلیارد کوب متر ایران اوچون) سویو تنظیمله‌یه‌جک.

خاطرلاداق کی، ۱۹ مای‌دا ایران پرزیدنتی ابراهیم رئیسی، خاریجی ایشلر ناظری حسین امیر عبداللهیان، ایرانین عالی لیدرینین تبریز اوزره نماینده‌سی محمد علی آل هاشم، شرقی آذربایجان ویلایتینین والیسی مالک رحمتینی خودآفریندن تبریزه آپاران هلیکوپتر ویلایتین ورزقان منطقه‌سینده قزایا اوغراییب. قزا نتیجه‌سینده ۸ نفر هلاک اولوب.