آذربایجانین تهران‌دا سفیرلیینین فعالیتینی برپا ائتمه‌سی ایرانین آذربایجانلا ان آزی مینیموم مناسبتلر ساخلاماغا چالیشدیغینا اشاره‌دیر.

Axar.az خبر وئریر کی، بو سؤزلری ایرانلی پولیتولوق پویا حسینی ارمنی مدیاسینا مصاحبه‌سینده دئییب.

او بیلدیریب کی، ایرانلا آذربایجان آراسیندا پروبلملر حل اولونماییب و بو پروبلملرین یاخین پرسپکتیوده حلی گؤزلنیلمیر:

«چونکی اونلار جدی پروبلملردیر و اونلاردان ان قاباریق اولانی اسرائیلین رگیوندا و آذربایجاندا اولماسیدیر.

ایرانین آذربایجان و تورکیه ایله بؤیوک پروبلمینه سبب اولان مسئله‌لردن بیری ایسه زنگزور دهلیزیدیر. ایران بونا مقاومت گؤسترمه‌یه داوام ائد‌جک، بو مسئله ایران اوچون قیرمیزی خطدیر. ایرانلا آذربایجان آراسیندا باشقا مسئله‌لر ده وار و بو مسئله‌لر حل اولونمایانا قدر بیز آذربایجان-ایران مناسبتلرینی مثبت قیمتله‌ندیره بیلمریک. ایسته‌نیله‌ن حال‌دا ایران دیپلماتیک کاناللار واسطه‌سیله آذربایجانی رگیونون ثابتلیینی پوزان سیاستدن (؟ – رئد.) اوزاقلاشدیرماغا چالیشیر».

حسینی ایران-ارمنیستان مناسبتلریندن ده دانیشیب، بونلارین «استراتژی» اولدوغونو خصوصی وورغولاییب. بونا باخمایاراق، «۳-جو طرفلرین» بو استراتژی علاقه‌لره زیان وورماغا چالیشدیغینی بیلدیررک، ایروانی احتیاط‌لی داورانماغا چاغیریب.