بو یاخینلاردا سرحدلرین معین ائدیلمهسی استقامتینده اؤنملی حادثهلر باش وئرمیشدیر. آذربایجان ۱۹۹۰-جی و ۱۹۹۲-جی ایللرده ایتیردیی دؤرد کندی - قازاخ بؤلگهسینده یئرلشهن دؤرد کندی بیر گوله آتیلمادان گئری قایتاردی. بو، اونو گؤستریر کی، مسئلهلر صلح یولو ایله حل اولونا بیلر.
Axar.az خبر وئریر کی، بو فکرلری پرزیدنت ایلهام علیئو تورکپا-یا عضو اؤلکهلرین پارلامنت صدرلری ایله کئچیریلهن گؤروشده سؤیلهییب.
«اگر ارمنیستان ۲۰۲۰-جی ایلده بیزیم سؤزوموزه قولاق آسسایدی و صلح یولو ایله بیزیم تورپاقلاریمیزی قایتارسایدی، ایکینجی قاراباغ محاربهسینه و آنتیترور عملیاتینا احتیاج قالمازدی. یعنی او، اونلار اوچون درس اولمالیدیر و من گؤرورم کی، او درسدن اونلار، نئجه دئیرلر، نتیجه چیخاریرلار. چونکی دؤرد کندین صلح یولو ایله، دانیشیقلار یولو ایله بیزه قایتاریلماسی و او بؤلگهده سرحدلرین معین ائدیلمهسی گؤستریر کی، بیز مسئلهلری دانیشیقلار یولو ایله حل ائده بیلریک»، - دئیه پرزیدنت بیلدیریب.