آذربایجان رسپوبلیکاسینین خارجی ایشلر ناظیری جیحون بایراموو گورجوستانا رسمی سفری چرچیوه‌سینده بو اؤلکه‌نین پارلامنت صدری شالوا پاپواشویلی ایله گؤروشوب.

خارجی ایشلر ناظیرلییندن Axar.az-آ وئریله‌ن خبره گؤره، گؤروش زمانی آذربایجان و گورجوستان آراسیندا استراتژی طرفداشلیق گوندلیینده دوران مسئله‌لر، پارلامنتلرآراسی امکداشلیغین پرسپکتیولری، هابئله رگیون‌دا جاری وضعیت مذاکره اولونوب.

ایکی اؤلکه آراسین‌دا اقتصادیات، تجارت، اینوستیسییالار، انرگتیکا، نقلیات و کمونیکاسییالار، هومانیتار و سایر استقامتلر اوزره استراتژی طرفداشلیق کاراکتری داشییان قارشی‌لیقلی فایدالی امکداشلیغین ممنونلوق دوغوردوغو دقته چاتدیریلیب. اورتا دهلیز اوزره ایشلرین و بیرگه امکداشلیغین اهمیتی قید ائدیلیب.

بونونلا یاناشی، آذربایجان-گورجوستان-تورکیه آراسیندا هم خارجی ایشلر ناظیرلری، هم ده پارلامنتلر سوییه‌سینده اوچ‌طرفلی فورمات چرچیوه‌سینده بیرگه سعیلرین گئنیشله‌نمه‌سینین واجب‌لیی وورغولانیب.

قارشی طرف همچنین پست‌مناقشه دورونده بؤلگه‌ده موجود وضعیت و رئال‌لیقلار، اشغال‌دان آزاد اولونموش اراضیلرده آپاریلان گئنیش‌مقیاسلی برپا و قوروجولوق ایشلری، مینا تهدیدی ایله مبارزه سعیلری، هابئله آذربایجان و ارمنیستان آراسین‌دا صلح و نرماللاشما پروسسی باره‌ده معلوماتلاندیریلیب.

ناظیر جیحون بایراموو همچنین پارلامنتین فخری قوناقلاری کتابینا اورک سؤزلرینی یازیب.