ایراندا سئچکیلر گؤزلنیلدیی کیمی، ۲-جی تورا قالدی. بو او دئمکدیر کی، سئچکی پروسسی اؤنجهدن پلانلاشدیریلان «محافظهکارلارین بیرلشمهسی» سسناریسی اوزره داوام ائدیر.
محافظهکارلار آراسیندا قالیبافین یوخ، سید جلیلینین اؤنه چیخماسی ایسه اساس دقتچکهن مقامدیر. حالبوکی، سئچکیدن اؤنجه ایکی نامزد قالیبافین خیرینه گئری چکیلمیشدی و او، داها لویال فیگور کیمی مختلف طبقهلر طرفیندن دستکلهنیردی. بو باخیمدان، قالیبافین ۳ میلیون، جلیلینین ایسه ۹ میلیون جیواریندا سس توپلاماسی شبههلره یول آچیر. سئچکیاؤنجهسی رای سورغولاریندا دا محافظهکار نامزدلر آراسیندا قالیباف جلیلیدن اؤنده ایدی. گؤرونور، دینی لیدره داها یاخین اولان و رئیسی حکومتی طرفیندن ده دستکلنهن جلیلینین اؤنونو آچیبلار.
۱-جی توردا ۱۰ میلیوندان چوخ سس توپلایان پزشکیانین ۲-جی توردا دا لیدرلیینی داوام ائتدیرمهسی سوال آلتیندادیر: دوز منتیقله قالیباف دا داخل اولماقلا محافظهکارلارین سسی ۲-جی توردا جلیلییه گئتمهلیدیر، دیگر طرفدن، ایراندا سئچکینین تکجه قوتولارا آتیلان بولتنلرله حل ائدیلمدیینی نظره آلساق، جلیلینین یئنی پرزیدنت اولماسی احتمالی چوخالیر؛
بو سئچکی مبارزهسی کیمین سئچیلمهسیندن داها چوخ، محافظهکار قانادا داخلی قارشیدورمانی داوام ائتدیرهجکلری تقدیرده، نهلرله اوزلشه بیلهجکلرینین نمایش ائتدیریلمهسی باخیمیندان ماراقلیدیر.