۲۸ ایللیک بیر دورده راضیلاشدیریلا بیلمه‌یه‌ن مسئله‌لرینین ۱-۲ ایله حل ائدیلمه‌سی چتیندیر.

Axar.az خبر وئریر کی، بونو آذربایجان پرزیدنتی ایلهام علیئو کانادانین یئنی تعیین ائدیله‌ن سفیری کوین هامیلتونون اعتمادنامه‌سینی قبول ائدرکه‌ن دئییب.

او قید ائدیب کی، آذربایجان ایله ارمنیستان آراسیندا سوبستانتیو دانیشیقلارا دئمک اولار کی، دکابر آییندا باشلانیلیب:

«چونکی اوندان اول ارمنیستان صلح مقاوله‌سینه دیرناق‌آراسی «داغلیق قاراباغ» مسئله‌سینی سالماق ایستییردی و بو، قبول‌ائدیلمز ایدی».

پرزیدنت ایلهام علیئو وورغولادی کی، چونکی بو، آذربایجانین داخلی مسئله‌سیدیر.

«بئله‌لیکله، سپارات‌چی رژیم لغو ائدیلدیکدن سونرا دکابر آییندان باشلایاراق دانیشیقلار جمعی ۶ آیدیر گئدیر. بونا زمان لازم‌دیر و البته، صلح سازشینین باشلیجا شرطی ارمنیستانین کنستیتوسییاسینین دییشدیریلمه‌سیدیر. چونکی اونون ترکیبینده آذربایجانا قارشی اراضی ادعالاری وار و بو، باش وئرمه‌یه‌نه قدر صلح سازشی امضالانمایاجاق. بو، معلوم مسئله‌دیر»، - ایلهام علیئو دئییب.