آنا صحیفه سیاست |
غرب قافقازدا صلحو تشویق ائتمک ایستییرسه، ارمنیستانا تضییق گؤسترمهلیدیر.
Axar.az خبر وئریر کی، بو فکری اسرائیل مدافعه قوهلرینین کشفیات کورپوسونون سابق پولکوونیک-لیتنانتی، شرقشوناس، بگین-سادات استراتژی آراشدیرمالار مرکزینین تدقیقاتچیسی دوکتور موردخای کدار «یروسلیم پست»دا درج اولونموش «غربین تضییقلری اؤلکهلری مسکوا ایله علاقهلری کسمهیه سوق ائدیر» سرلوحهلی مقالهسینده یازیب.
«غرب قافقازدا صلحو تشویق ائتمکده داوام ائتمک ایستییرسه، او، هم ده ارمنیستانا تضییق گؤسترمهلیدیر کی، سونونجو مسکوا و تهرانلا مناسبتلری یئنیدن نظردن کئچیرسین. اگر ارمنیستان آذربایجانلا باریشسا، بلوکادادا اولان و دنیزه چیخیشی اولمایان اؤلکه کیمی احتیاجلارینی اؤدمک اوچون داها ایرانا آرخالانماغا احتیاج قالمایاجاق. هابئله ارمنیستانین روسیادان اوزاقلاشماسی ایکی قافقاز اؤلکهسی آراسیندا صلحون برقرار اولماسی احتمالینی آرتیران عاملدیر، بئله کی، قافقازدا تأثیرینی قوروماغا چالیشان روسلار مناقشهنین داوام ائتدیریلمهسینده ماراقلی اولوبلار. اما آذربایجانین بوتون قاراباغی آزاد ائتمهسی و ایندی ارمنیستانین صلحه دوغرو استقامتلهنمهسی ایله یارانان یئنی رئاللیق مسکوانین قافقازداکی تأثیرینی ضعیفلهدیر کی، بو دا غربین ماراقلارینا جواب وئریر»، - دئیه مقالهده بیلدیریلیب.
اسرائیللی پروفسور دقته چاتدیریب کی، ایران دا قافقازدا صلحون لهاینه اولمادیغیندان غرب ارمنیستانی روسیا نمونهسینده اولدوغو کیمی تهران رژیمیندن ال چکمهیه سوق ائتمکله رگیوندا صلحون برقرار اولماسینا اهمیتلی تحفه وئره بیلر. بئلهلیکله، کنار تاثیرلردن آزاد بیر بؤلگهده آذربایجان و ارمنیستان آراسیندا صلحون برقرار اولماسی گئرچکلشر.
تاریخ
2024.07.01 / 21:55
|
مولف
Axar.az
|