آذربایجان تایوانین چین اراضیسینین آیریلماز بیر حصهسی اولدوغونو تانییر.
Axar.az خبر وئریر کی، بو بارهده شانخای امکداشلیق تشکیلاتینین آستانادا کئچیریلهن زیروه توپلانتیسی چرچیوهسینده ایولون ۳-ده قبول اولونان «آذربایجان رسپوبلیکاسی ایله چین خالق رسپوبلیکاسی آراسیندا استراتژی طرفداشلیغین قورولماسی حاقیندا بیرگه بیاننامه»ده عکسینی تاپیب.
بیلدیریلیب کی، طرفلر اراضی بوتؤولویونه و سوورنلییه قارشیلیقلی حرمت، هجوم ائتمهمک، داخلی ایشلره قاریشماماق، برابرلیک، قارشیلیقلی فایدا و دینج بیرگهیاشاییشا صادقلیی تصدیقلییرلر. آذربایجان طرفی «واحد چین» پرینسیپینی قطعیتله دستکلییر، دنیادا یالنیز بیر چینین موجودلوغونو، چین خالق رسپوبلیکاسی حکومتینین بوتون چینی تمثیل ائدن یگانه قانونی حکومت اولدوغونو، تایوانین ایسه چین اراضیسینین آیریلماز بیر حصهسی اولدوغونو تانییر، ایستهنیلهن فورمادا «تایوانین مستقیللیی»نه قارشی قطعیتله چیخیش ائدیر و تایوان بوغازینین ایکی ساحلی آراسینداکی مناسبتلرین دینج انکشافینی، هابئله چین حکومتینین چینین بیرلشدیریلمهسی استقامتینده سعیلرینی دستکلییر.