ارمنستان حاکمیتینده و جمعیتینده بئله بیر خوف یارانیب کی، گویا نویابر آیینا قدر آذربایجانلا صلح و یا چرچیوه سازشی امضالانماسا، باکی‌دا کئچیریله‌جک کوپ-۲۹-دان سونرا یئنی محاربه باشلایاجاق.

Axar.az خبر وئریر کی، بو سؤزلری پولیتولوگ الخان شاهینوغلو قید ائدیب.

اونون سؤزلرینه گؤره، ارمنستانین غرب پرست سیاستچیلری و اکسپرتلری باش ناظر نیکول پاشینیانا تکلیف ائدیرلر کی، نویابرا قدر ایروان آوروپا بیرلیینه عضولوکله باغلی بروکسله رسمی مراجعت عنوانلاسین:

«عکس حال‌دا روسییا و کولکتیو تهلوکه‌سیزلیک مقاویله‌سی تشکیلاتی ارمنستانی قوروماق ایسته‌مه‌یه‌جک و بو اراضی ایتکیسینه سبب اولاجاق.

بو تکلیفین آرخاسیندا او «منطیق» دایانیر کی، روسییانین باجارمادیغینی آوروپا بیرلییی باجاراجاق و آذربایجان اوردوسونا یئنی مؤقعلرده محکه‌مله‌نمه‌یه بروکسل مانع اولاجاق.

آوروپا بیرلییی بونو نئجه ائد‌جک، اوراسی ماراقلیدیر. مسئله‌نین ایکینجی طرفی ایسه اودور کی، آذربایجانین نه نویابردان اول، نه ده سونرا ارمنستانا مداخیله ائتمک کیمی پلانی وار، باشیمیز اشغال‌دان آزاد اولونان اراضیلرده قوروجولوق ایشلرینه قاریشیب. بوندان باشقا شرطی سرحدده ایستراتژی یوکسکلیکلر نظارتیمیز آلتیندادیر، بوندان آرتیغی بیزه لازیم دئییل. او باشقا مسئله کی، پاشنیانین تام نظارت ائده بیلمدیی ارمنستان اوردوسونداکی «۵-جی کولونون» حربچیلری یئنه آذربایجان طرفه آتش آچارلارسا، بونون اونلار اوچون آغیر نتیجه‌لری اولاجاق و بو حال‌دا قارشی طرف حقیقتا اراضی ایتکیسی ایله اوزلشه بیلر».

«نیکول پاشینیان و اونون اطرافی کوپ-۲۹-دان سونرا محاربه و نوبتی مغلوبیت تهلوکه‌سین‌دن بو قدر قورخورلارسا، بونون ساده یولو وار. پاشینیان کونستیتوسییایا وعد ائتدیی دییشیکلیکلری رئاللاشدیرمالی، ان آزی رفرندوم یولو ایله قونشولارین اراضیلرینه ادعا ائد‌ن بندلری اساس قانوندان چیخارمالیدیر. بو نویاب‌ردان اول و سونرا محاربه احتمالینی اورتادان قالدیراجاق. بیر شرطله کی، پاشینیان اوردوسونو دا تخریبات‌چی المنتلردن تمیزله‌سین. چونکی حتی صلح سازیشی ارمنستان اوردوسونداکی تخریبات‌چیلاری آذربایجانین مؤقعلرینه آتش آچماقدان دایاندیرمایا بیلر»، - ائ.شاهینوغ‌لو بیلدیریب.