۱۶ ایول ۲۰۲۴-جو ایل تاریخینده بوخارست شهرینده آذربایجان رسپوبلیکاسی و رومینییا خارجی ایشلر ناظیرلیکلری آراسین‌دا سیاسی مصلحتلشمه‌لرین نوبتی راوندو کئچیریلیب.

Axar.az خبر وئریر کی، آذربایجان رسپوبلیکاسینین نماینده هیئتینه خارجی ایشلر ناظیرینین معاونی فاریز رضایئو، رومینییا نماینده هیئتینه دولت کاتبی آنا کریستینا تینکا رهبرلیک ائدیب.

سیاسی مصلحتلشمه‌لر زمانی آذربایجان و رومینییا آراسیندا استراتژی طرفداشلیغین گوجلندیریلمه‌سی، سیاسی، اقتصادی، انرگتیکا، نقلیات و هومانیتار ساحه‌لرده، او جمله‌دن بین‌الخالق تشکیلاتلار چرچیوه‌سینده امکداشلیغین حاضیرکی وضعیتی و انکشاف پرسپکتیولری، اؤلکه‌میزین تشببوسو و اشتراکی ایله حیاتا کئچیریله‌ن استراتژی انرژی و نقلیات لایحه‌لری ایله باغلی مذاکره‌لر آپاریلیب.

گؤروشده پست-مناقشه دورونده بؤلگه‌ده‌کی وضعیت، ارمنیستان-آذربایجان مناسبتلرینین نورماللاشدیریلماسی، آذربایجان طرفیندن بؤلگه‌ده داواملی صلحون برقرار اولونماسی استقامتینده آتیلان آددیملار، اشغالدان آزاد ائدیلمیش اراضیلریمیزده مینا پروبلمی، اورادا حیاتا کئچیریله‌ن گئنیش‌مقیاسلی برپا-قوروجولوق ایشلری باره‌ده اطرافلی معلومات وئریلیب.

سفر زمانی رضایئو همچنین رومینییانین دیگر رسمی شخصلری ایله گؤروشوب، ائلجه ده بئیین مرکزلرینین نماینده‌لری ایله کئچیریله‌ن تدبیرده چیخیش ائدیب.