آذربایجان مدافعه ناظیرلیینین ارمنیستانین تخریباتلاری و بو اؤلکهنی سلاحلاندیرانلارلا باغلی سون سرت بیاناتی باش ناظیر نیکول پاشینیانی و اونون حکومت عضولرینی دوشوندورمهلیدیر.
Axar.az خبر وئریر کی، بو بارهده پولیتولوق ائلخان شاهیناوغلو قید ائدیب.
او بیلدیریب کی، محاربهلرده مغلوب اولان دولتلر غالب دولتلرین شرطلرینی قبول ائتمک مجبوریتینددیرلر، یاخین و اوزاق کئچمیشین محاربه نتیجهلری ده بوندان خبر وئریر:
«بیرینجی دنیا محاربهسی ۳ بؤیوک ایمپرییانین داغیلماسینا سبب اولدو، چونکی اوچو ده مغلوب اولموشدو. ایکینجی دنیا محاربهسینین نتیجهسینده غالب اؤلکهلر آلمانیانی مختلف پارچالارا بؤلدولر، یاپونییانی مغلوب ائدن آمریکا بو اؤلکهنین کونستیتوسییاسینی اؤزو یازدی. آذربایجانین دا غالب اؤلکه کیمی شرطلر ایرلی سورمک حقوقو وار. آذربایجان غالب اؤلکه اولماسینا رغما، ارمنیستانا ساده طلبلر ایرلی سوروب: ۱. سلاحلانمانی دوردور و سرحدده تخریباتلارا سون قوی؛ ۲. آذربایجانا اراضی ادعاسینی احتوا ائدن کنستیتوسییانی دییشدیر.
بو ایکیسی یئرینه یئتیریلمهیهنه قدر بؤلگهده وضعیتین نرماللاشاجاغینی سؤیلهمک چتیندیر. محاربهده مغلوب اولان اؤلکهنین سرعتله سلاحلاندیریلماسینا غالب اؤلکه دؤزه بیلمز».