مسعود پزشکیان سئچکی کامپانییاسی واختی سویداشلاریمیزلا باغلی مثبت مساژلاری ایله یاددا قالدی، پرزیدنت سئچیلهندن سونرا ایسه جناب ایلهام علیئو اونونلا تلفونلا دانیشدی، باکییا رسمی سفره دعوت ائتدی. بوندان باشقا ایراندا سفیرلییمیزین فعالیتی برپا ائدیلدی و اقتصادی لاییحهلرین حیاتا کئچیریلمهسینده جانلانما میدانا گلدی.
بو سؤزلری Axar.az-آ آچیقلاماسیندا پولیتولوگ تراب رضایئو ایران و ارمنیستان آراسیندا مدافعه ساحهسینده ۵۰۰ میلیون دوللارلیق گیزلی مقاویلهنین امضالانماسی خبری حاقدا دانیشارکن دئییب.
او، «گیزلی سازیش» فئیکینین محض بو عرفهده مئدیادا یاییلماسینین تصادفی اولمادیغینی بیلدیریب:
«یقین کی، مناسیبتلرین مثبت استیقامتده ایرلیلهمهسی و سادالادیغیمیز سون حادثهلر معین خارجی قوهلرین خوشونا گلمیر. اونا گؤره ده یاخین کئچمیشده یاشانان منفی حادثهلرین اونودولمادیغینی بیلن مرکزلر بئله یالان خبرین یاییلماسینین ائففئکتیولیینین یوکسک اولدوغونو دوشونهرک، سون آددیمی آتدیلار. آذربایجان دولتی کئچمیشده یاشانانلاری اونوتمور، باش وئرهن حادثهلری ایزلهییر، بوتون احتیماللاری دیرلندیریر و بونا گؤره آددیملار آتیلیر. فیکریمجه، اگر بئله بیر مقاویله حقیقتا امضالانمیش اولسایدی، دولتیمیز معین کاناللار واسطهسیله اؤز سرت موقعیینی اورتایا قویاردی. بونا هر جور امکانیمیز وار».