ارمنیستان خارجی ایشلر ناظیرلیینین «آوروپا تهلوکه‌سیزلیک و امکداشلیق تشکیلاتی-نین مینسک گروپونون مسئله‌سینه صلح مقاوله‌سینین امضالانماسی کونتکستینده باخیلا بیلر» آچیقلاماسیندان بو قناعته گلمک اولار کی، رسمی ایروان مینسک گروپو مسئله‌سینده اسرار ائتمیر، ساده‌جه بیرطرفلی گذشت کیمی اولماسین دئیه، بو موضوع‌نو دانیشیقلاردا رسمی باکی ایله آلوئر پردمتینه چئویرمک ایستییر. یعنی دئمک ایستییرلر کی، بیز سیزین ایستیینیزه اویغون اولاراق مینسک گروپوندان امتنا ائتسک، بونون قارشیلیغیندا سیز ده بیزیم ایستکلریمیزدن بیرینی یئرینه یئتیرملیسینیز.

Axar.az خبر وئریر کی، بو سؤزلری پولیتولوق ائلخان شاهین‌اوغلو ارمنیستان خارجی ایشلر ناظیرلیی-نین مینسک گروپونون لغوی مسئله‌سی حاقدا آچیقلاماسینی شرح ائدرکه‌ن دئییب.

«ارمنیستان حکومتینین اساس ایستکلریندن بیری بودور کی، آذربایجان اردوسو شرطی سرحدده‌کی استراتژی یوکسکلیکلردن گئری چکیلسین. بو ممکون دئییل. بیرینجی‌سی، سرحدین معیینلشمه‌سی پروسسی ایللرله اوزاناجاق و بو صلح سازشیندن آیری آپاریلان دانیشیقلار پروسسی‌دیر. ایکینجی‌سی، آذربایجان اردوسونون نظارت ائتدیی استراتژی یوکسکلیکلری «مینسک گروپوندان امتنا» بندی ایله ترزینین عینی گؤزونه قویماق اولماز، بیرینجی دفعه‌لرله آغیر گله‌جک. ارمنیستانین مینسک گروپون‌دان امتنا ائتمه‌مه‌سینین آذربایجانا بؤیوک ضرری یوخ‌دور، استراتژی یوکسکلیکلر ایسه بیزه ارمنیستان اوزرینده بؤیوک اوستونلوک قازاندیریب، بوندان امتنا ممکون دئییل. ارمنیستان حکومتی آذربایجانلا صلح سازیشی امضالاماق ایستییرسه، کونستیتوسییاسیندا اؤلکه‌میزین اراضی بوتؤولویونه ادعانی عکس ائتدیرن بندلردن امتنایا حاضیرلاشمالیدیر. بیزیم اوچون کونسپتوال مسئله بودور»، - او بیلدیریب.