دونیادا گلوباللاشمانین داغیلماسی، رگیونال بیرلیک و تشکیلاتلارین اهمیتینین یئنی‌دن قیمتلندیریلمه‌سی ایله باغلی یئنی گئوسییاسی وضعیت یارانیر. بو باخیم‌دان روسییا و آذربایجان کیمی بیر-بیرینه واجیب اولان ایکی اؤلکه روسییا لیدرینین باکییا دولت سفرینی هر ایکی طرف اوچون آکتوال گؤرونه‌ن بوتون مسئله‌لرین مذاکیره‌سی اوچون استفاده ائد‌جک.

Axar.az خبر وئریر کی، بو سؤزلری روسییالی تانینمیش پولیتولوگ ایگور کوروتچنکو روسییا پرزیدنتی ولادیمیر پوتینین باکییا باش توتاجاق سفرینی «وستنیک کاوکازا»یا شرح ائدرکه‌ن دئییب.

"روسییا پرزیدنتینین سفری آذربایجانین اراضی بوتؤولویونو و سوورنلیینی تام برپا ائتدیی، قاراباغین دیرچلدیلمه‌سی، مجبوری کؤچکونلرین اؤز یوردلارینا قاییتماسی اوچون گئنیش میقیاسلی پروگراملارین حیاتا کئچیریلدیی شرایط‌ده باش توتاجاق. آذربایجان و ارمنستان آراسیندا صلح مقاویله‌سینین حاضرلانماسی دا سون مرحله‌ده‌دیر.

عینی زامان‌دا، ارمنستان‌دان بیر نوع «ترویا آتی» کیمی استفاده ائد‌رک، جنوبی قفقازا نفوذ ائتمک و اورادا محکم‌له‌نمک اوچون رگیوندان کنار اویون‌چولارین اسرارلی سعیلرینی گؤروروک. بو، استثناسیز اولاراق جنوبی قفقازین بوتون اؤلکه‌لری اوچون جدی تهلوکه‌سیزلیک چاغیریشی‌دیر و پرزیدنتلر بو باره‌ده مطلق دانیشاجاق.

روسییا ایله آذربایجان آراسین‌دا رگیونلاراراسی، سیاسی، تجاری-اقتصادی علاقه‌لر، او جمله‌دن انرژی سکتورو اوغورلا انکشاف ائدیر. روسییا سیاسی رهبرلییی آذربایجانا ان مهم ایستراتژی طرفداش کیمی باخیر. عمومیتله، آذربایجانین نفوذو آرتیر، خالقا و اقتصادیاتا خیر وئرمک اوچون روسییا-آذربایجان بیرگه سعیلری سون درجه واجیب گؤرونور»، - او بیلدیریب.

پولیتولوگ قید ائدیب کی، اولکی دورده آذربایجان روسییا سلاحلارینین ان بؤیوک آلیجیلاریندان بیری اولوب:

"حربی-تکنیکی امکداشلیق مسئله‌لرینین ده ولادیمیر پوتینین ایلهام علیئوله آپاراجاغی دانیشیقلارین مهم ترکیب حیسه‌سینه چئوریلجیینی دئمه‌یه اساس وار. گؤزلییریک کی، سفر زمانی روسییانین مختلیف پروفیل‌لی شیرکتلرینین ا

شغال‌دان آزاد ائدیلمیش اراضیلرین گئنیش میقیاس‌لی برپاسین‌دا اشتراکینا دایر راضیلاشمالار دا الده اولوناجاق.

بو، چوخ جدی سفردیر، پرینسیپیال کاراکتر داشیییر".