پرزیدنت ایلهام علیئو اوکراینانین پرزیدنتی ولادیمیر زلنسکییه تبریک مکتوبو گؤندریب.

Axar.az مکتوبون متنینی تقدیم ائدیر:

"حؤرمتلی جناب پرزیدنت،

اوکراینانین میللی بایرامی – مستقیل‌لیک گونو مناسیبتیله سیزی و سیزین سیمانیزدا بوتون خالقینیزی اؤز آدیمدان و آذربایجان خالقی آدیندان صمیمی-قلبدن تبریک ائدیر، ان خوش آرزولاریمی چاتدیریرام.

آذربایجان ایله اوکراینانی زنگین عنعنه‌لره مالیک دوستلوق علاقه‌لری بیرلشدیریر. تاریخاً بیر-بیرینه دستک اولموش خالقلاریمیزین اراده‌سی بو گون دولتلرآراسی مناسیبتلریمیزین تملینی تشکیل ائدیر. اؤلکه‌لریمیز آراسیندا قارشیلیقلی اعتماد و دسته‌یه اساسلانان مناسیبتلرین بوگونکو سوییه‌سی، بیر سیرا ساحه‌لرده، خصوصیله ده انرژی ساحه‌سینده ثمره‌لی امکداشلیغیمیز ممنونلوق دوغورور.

اراضی بوتؤولویو و سووه‌رنلیک مسئله‌لرینده ب.م.ت نیظامنامه‌سی، بین‌الخالق حقوقون نورما و پرینسیپلرینه اویغون اولاراق آذربایجانلا اوکراینا قارشیلیقلی دستک و همرایلیک نماییش ائتدیریرلر. بیز دوست اوکراینا خالقینا بوندان سونرا دا لازیمی هومانیتار دستک و یاردیم گؤسترمک اوچون هر جور سعی گؤسترمک نیتیمیزی ایفاده ائدیریک.

بو یاخینلاردا بیرلشمیش کرال‌لیقدا سیزینله گؤروشوموزو، آپاردیغیمیز فیکیر مبادیله‌سینی یوکسک قیمتلندیریرم. امینم کی، آذربایجان-اوکراینا دوستلوغونون و اعتبارلی طرفداشلیغینین محکملندیریلمه‌سی، امکداشلیغیمیزین گئنیشلندیریلمه‌سی یولوندا بیرگه سعیلریمیزی بوندان سونرا دا اوغورلا داوام ائتدیرجه‌ییک.

بئله بیر علامتدار گونده سیزه محکم جانساغلیغی، خوشبخت‌لیک، ایشلرینیزده اوغورلار، دوست اوکراینا خالقینا صلح و امین-آمانلیق دیله‌ییرم".