آذربایجانین بریکس-ا عضولوک اوچون مراجعت ائتمه‌سی گئنیش مذاکیره‌لره سبب اولوب.

پروسسین چینله علاقه‌لرین محکملندیریلمه‌سی فونوندا باش وئرمه‌سی دقت چکیر. بو باخیم‌دان بریکس-ه عضولوک باکینین پکینله مناسیبتلرینین داها دا یاخشیلاشدیریلماسی کیمی دیرلندیریلیر.

آذربایجانین شرق بلوکوندا تمثیلچیلیینی آکتیولشدیرمه‌سی گئوپولیتیک بالانسا نئجه تأثیر گؤستره‌جک؟ بو، باکینی غرب اوچون داها وازکئچیلمز ائد‌جک، یوخسا هدفه چئویره‌جک؟

Axar.az خبر وئریر کی، پولیتولوگ قابیل حسین‌لی Globalinfo.az-آ آچیقلاماسیندا آذربایجانین اوزون ایللردیر بالانس سیاستی یریتدیینی بیلدیریب.

«بو سیاستین اساسینی اولو اؤندر حیدر علیئو قویوب، پرزیدنت ایلهام علیئو ده حاکمیتی بویو اونا صادق قالدی. بو گون بالانس پرینسیپی دولت سیاستینین اساسینی تشکیل ائدیر. یعنی آذربایجان هئچ بیر بلوکو سئچمیر، گوج مرکزلرینین بیرینین یانیندا دیگرینه قارشی مباریزه آپارمیر.

باکینین ایندیکی مقام‌دا پکینین یانیندا یئر آلیب شرق بلوکونا قاتیلماسی ایناندیریجی دئییل. بو، غربی قارشیمیزا آلماق دئمکدیر. حساب ائدیره‌م کی، آذربایجان غربله امکداشلیق کونتکستینده بونا گئتمز. هر نه قدر قاراباغ اشغال‌دان آزاد اولونسا دا، ارمنیستانلا مناقیشه داوام ائدیر. یعنی باکی بالانس سیاستیندن گئری آددیم آتمایاجاق»، - او بیلدیریب.

پولیتولوگ آذربایجانین آوروپانین اعتبارلی انرژی تأمینات‌چیسی اولدوغونو قید ائدیب:

«باکی بریکس-ین اقتصادی دیویدنتلریندن فایدالانماق اوچون آسییا بازارینا گیرمه‌یه چالیشیر. بئله اولان تقدیرده هانسی‌سا بلوکو سئچمکدن صحبت بئله گئده بیلمز.

روسییا-اوکراینا محاربه‌سی غربین آذربایجانا احتیاجینی آرتیریب. حتی بو احتیاج غربین صلح مقاویله‌سینده باکینین ماراقلاری چرچیوه‌سینده یاناشما سرگیله‌مه‌سی ایله ده اؤزونو گؤستریر. بئله بیر زمان‌دا باکینین پکینین یانیندا مؤقع سرگیله‌مه‌سی آوروپا بازارینا چیخیشیمیزی باغلایا بیلر. آذربایجان اوچون گلوبال بالانس چوخ واجیبدیر و بو دییشمز سیاسی کورسدور».