پرزیدنت ایلهام علیئو روسیا ایله اوکراینا آراسیندا مناقشه‌نین حلینده آذربایجانین دا اشتراکینین ممکونلویونو استثنا ائتمه‌ییب.

Axar.az خبر وئریر کی، او، بو سؤزلری بین‌الخالق چرنوبیو فوروموندا مودراتورون سواللارینی جوابلاندیرارکه‌ن دئییب.

«اگر هیپوتتیک امکاندان دانیشیریقسا، بو، تمامیله ممکوندور. اولا نظره آلساق کی، روسیا و اوکراینا ایله بیرلیکده ۷۰ ایل اس.اس.ار.ای-نین ترکیبینده اولموشوق، بیز شخصی علاقه‌لر سوییه‌سینده و سیاسی موستویده چوخ‌شاخه‌لی علاقه‌لر ساخلاییریق. بو گون بیز روسیا و اوکراینا ایله مناسبتلریمیزی چوخ یاخشی حساب ائدیریک. بیز اوکراینانین و بوتون اؤلکه‌لرین اراضی بوتؤولویونو و سووئرنلیینی قطعیتله دستکلییریک. اما عینی زمان‌دا، بیز آنتی‌روسیا سانکسیا کامپانیاسینین بیر حصه‌سی اولمامیشیق و اولمایاجاغیق»، - دولت باشچی‌سی بیلدیریب.

آذربایجانین ایکی اؤلکه ایله مناسبتلرین پراگماتیزمینی نظره آلاراق بو پروسسده معین رول اوینایا بیلجیینی وورغولایان پرزیدنت ایلهام علیئو قید ائدیب:

«بیز هئچ واخت بو پروسسله باغلی تشببوس ایر‌لی سورممیشیک. بیلیرم کی، بو ایشده اشتراک ائتمک ایسته‌یه‌نلر چوخ‌دور. اما اشتراکیمیز طلب اولونارسا، بیز حاضیریق».